[يوفاوي الكويت]

المشاركة الأصلية كتبت بواسطة تراني جديدة

انا شريت بلوفرنتد سارله عندي 9 ايام الحين

الف الف مبروووك

.. يتكلم وياكل من ايدي بس لمن ادخل ايدي للقفصه يجعر ويعض اول شي بشويش واذا ما وخرت ايدي يعض بقوه .. كم مره نزل الدم من ايدي .

شي طبيعي لان الطير جديد اتركيه بمكان مرتفع علي شان يرتاخ ويراقب المكان الجديد

. المهم طلعته مره على ايدي وهو يحرك اجنحته بقوه وكأنه موب عارف يثبت نفسه زين على ذراعي يمكن من الخوف

شي طبيعي انه يحرك ويرفرف بالجناح بقوه

المهم الاخ لمن اخليه في القفص يتكلم ولو طلعته يلهى بالعب ..ماني عارفه ابدأ الترويض واطلعه او اخليه جوا القفص عشان الكلام ..

احسن مكان للتعليم الكلام وهو بالقفص اما بخصوص الترويض انا انصحج شوي تتاخرين فيه اتركي الطير علي ما يرتاح بالبيت الجديد وانا انصحك بموضوع اخوي سكر طريقه الترويض بالمنشفه الطريقه مجربه ومظمونه

ومن ناحيه الاكل معليش اعطيه بطيخ والشمام والتمر وعظمه الدجاج المطبوخ او لا .؟

عادي بس يفضل الحب الشمسي وعدم اعطاء فواكه بكثره لانها تسبب له الاسهال وانتي بكرامه
عظمة الرجل زينه بس لا تكثرين منها

انا اعطيله خضار مشكل الي تجي مجمده اسلقها واعطيه وياكل منها بس افكر اعطيه غير مسلوقه وش رايكم لأن الكروانات عندي ياكلونا غير مسلوقه ؟

زين التونيع بالاكل بس مو دايم اهم اكله عنده الحب الشمسي او بالسعودي يقولون له دوار الشمس

حطيت له عضمه الحبار شالها ومسكا بأيده وقاعد ياكلها .. خفت عليه وشلتها منه كان بيخلصها مره وحده .. يعني كل انواع والخضار مسموح فيها ؟ الجزر عادي او مرشوش بمواد تضره .. ؟

عظمة الحبار زين بالوقت هذا لانه فتره تبديل الريش

التحميم .. انا من اسبوع رشيت عليه مويه بس من امس احس ريحته طلعت .. الطيور تطلعلهم ريحه ؟ وهل اسبوع كفايه او لا .. انا مفكره ادخله الحمام واعطيه شور جامد وهل معليش احط نقطه شامبو اطفال ؟

الترويش مهم بس ما انصحك تروشينه بشامبو الماي يكفي

ذيله فيه ريشتين او اكثر شوي يقول الي شريته منه انها كانت مكسوره فا شالها .. هل راح تطلع مره ثانيه ؟

ان شالله تطلع

ذبحني بأغنيه بابا فين .. وتعبت القنه اسم ما اشوفه قاله ..
الصراخ .. لمن اطلع من الغرفه يصارخ بقوه يخوف .. ههل في امل ان الصراخ يروح او بيقعد كذا على طول ..

بالتدريب ماكو شي مستحيل ان شالله يوقف الصراخ وراح يقول الي انتي تبينه

العض وش اعمل فيه .. معليش اضربه باصباعي على منقاره وانهره اقوله لالا .. او بتخرب العلاقه .. ؟

انطري عليه وراح يتحسن لما يجي يعض اسحبي ايدح شوي شوي وقولي له عيب او لا

معليش كثرت اسأله .. بس جديده في البلوفرنتد ..بليز كل اسألتي مهمه لا تهملون اي سؤال ..
وشكرا كثير لكل من يحاول مساعدتي ..

ان شالله جاوبتج علي الاسئله