[أبو راشد]

ولا يهونون الاخوان

استخدم طريقة العصا بالبداية ثم استخدم اليد

ضع طائرك على الارض او من القفص

وجيب عصا طولها مثلا 15 سم وتكون دائرية وقريبة من عرض الاصبع او اكبر بشوي


تمد العصا على العرض من عند صدر الببغاء وقدمها بشويش على الطير
وهو تلقائيا رح يمد رجل لما يتشبث فيها بياخذ وقت ولا تستعجل عليه رح يمد الرجل الثانيه ويتشبث برجلينه كلها على العصا


وامش فيه شوي لا تطول وعلى طول رجعه للقفص


وعوده على كلمة مثلا اطلع كل ماحطيت له العصا قل اطلع لين يطلع على العصا


استمر على كذا 3 ايام بمعدل مرتين الى 3 مرات باليوم

بعد ثلاث ايام خله يطلع على العصا ثم مد له يدك وقل له اطلع ورح يطلع على يدك بالبداية بيخاف شوي بس عطه وقت وبيصير يطلع على يدك ولاطلع على يدك نفس الشي تاخذ فيه فرة بالغرفة بس تمشي بشووويش ثم ترجعه لمكانه

وتسوي هالحركة بيدك كم يوم الى اسبوع وبيصير خلاص اول ماتمد له يدك تقول اطلع بيطلع على طول




والشي هذا انا جربته في ببغاواتي والامر ناجح معي