[كاسكو البحرين]

مافي شي مستحيل

لكن نرجع ونقول الكاسكو طير في غاية الروعة وهنيئاً لك اخ موسى والصبر مفتاح الفرج بشرط الإجتهاد ومتابعة المواضيع اللي الاخوان عطوك الروابط طيرك لم يتم الإهتمام به بالشكل المطلوب عوض كل ما فات وتبع خطوات التربية ترى تربية الحيوانات شي جميل ولك الأجر من الله ، إليك أخي كم خطوة مهمة في البداية وضروري تهتم بهذه النقاط

1-ضع الطير في قفص وهتم به من خلال تغير الأكل والماء بنفسك كل يوم

2-لاتضع القفص على الأرض ارفع القفص من على الأرض حوالي 2متر أو 2متر ونص

3-لاتخلي الطير في وسط المكان خله في زاوية من المكان اللي هو فيه

4-حالياً لاتغير مكان الطير وثبت في مكان لحد ما يطمأن عليك وعلى اهل البيت

5-حاول اكثر الاوقات اتكون جنبه فمثلاً غرفة الجلوس أو غرفتة الكمبيوتر عموماً مكان تتواجد فيه بكثرة

6-عقب سبوع -اسبوعين حاول تطلعه بره القفص عشان ياخذ حريته وتأكد من قص الأجنحه قبل ذالك

7-الحين الجو بارد وقت النوم حاول تغطي القفص بغطاء مناسب +إطفاء النور لانه الكاسكو تحب النوم في الظلام

8-نوع أكل الكاسكو ولا تعتمد على عباد الشمس والفول السوداني

9-ابعد إزعاج الأطفال عنه لحد ما يآمن

10-خلاص

هذه كم نقطة أخ موسى وهي نقاط مهمة ولكن هذا مو كفاية فعليك بقراءة المواضيع بدقة وستمرار ولاتهمل اي موضوع اتمنى لك كل خير وأهلا وسهلا فيك في المنتدى العزيز والله يوفقك يارب

تحياتي

كاسكو البحرين