[lala]

السلام عليكم


هاى
ازيكم يا شباب
وازى العيال كدة

ندخل فى الموضوع
انا اشتريت جوز عصافير من اسبوع
وصاحبهم قال انهم باضوا قبل كدة
المشكلة الاولى انهم بيخافوا جدا وبمجرد انى بمر قصادهم يتعفرتوا ويفضلوا يطيروا فى القفص وميهدوش ,, وبمجرد انهم يسمعوا اى صوت زى اصوات العربيات الكبيرة بيتعصبوا جامد ويركبهم ميت عفريت

وبسبب الخوف اللى عندهم مش بياكلو كويس خالص
يعنى من وقت ماجبتهم مش نزلوا ياكلو غير مرتين او تلاتة بالكتير


تانى مشكلة بقا ان الذكر من وقت ماجبته مش بيقرب للنتاية تماما ولما احط لهم عصاية تانية يسيبها ويقف عليها وميقفوش جنب بعض وانا نفسى يبيضوا

وتالت مشكلة ان النتاية شكلها مش عاجبنى شكل الريش نفسه مش طبيعى وبتنهج على طول

ياريت حد يفيدنى فى الموضوع دا لأنى لسة جديدة فى تربية البادجى


وعايزة اسأل عن المكان اللى ممكن احط القفص فيه على طول مايتحركش علشان مش يقلقوا ومايبيضوش وخصوصا انهم بيخافو جدا



كنت عايزة احط صور بس مش بعرف ارفعها من الكمبيوتر

وسلامو عليكوووووو