|
رد: كيف ادرب الببغاء النيبالي على الكلام
شوف اخوي انا بعطيك اسهل طريقه وما اظن انها نذكرت في منتدى او موقع
اول معلومه بعطيك لازم اتعلم الطير اشلون يقلد قبل ما يقلدك بكلمه معينه
وهو انك اتطلعله صوت قطوه انت جرب روح عند الطير وطلعله صوت قطوه بتلاحظه بيعطيك انتباه مب طبيعي لان هالصوت بلفت انتباه الطير بس لاتطلعله صوت قطوه بنبره خشنه خل الصوت حااد
وتم على هالصوت كمن يوم يعني لمدة اسبوع وبعده لاتطلع هالصوت نهائيا لمدة 3 ايام وبعدين عيد الصوت بعد اسبوع صدقني بطلع صوت القطوه يعني يبيله اسبوعاين لين 3 اسابيع
ملاحظه: هاي اهم خطوه وخصوصا ان 3 ايام ماتطلع الصوت نهائيا لان هالفتره يخلي الطير يفكر بالكلمه ويشتاق على هالصوت ودايما بيتسائل ليش هالصوت صرت ما اسمعه؟
فلمن يسمعه مره ثانيه الصوت بيتم في مخه وبيقوله اكيد
وان طلع الصوت بيعرف مصطلح اسمه التقليد بعدها علمه كلمه بسيطه مثل متو او شي سهل ما في حروف صعبه بتشوف اي كلمه اتقولها في خلال اسبوع برددها
مثل ما بغيت الرد من واحد فاهم وخبير انا بعد ابيك اتنفذ الي قلته حرفيا وما اتهد ولا خطوه
وشوف النتيجه ورد علي
__________________
ماشااللــه
|