|
رد: مساعده يا اخوان الخير ..!!
السلام عليكم
ما شالله مجموعة حلوة أخوي
بخصوص اللي مو راضي ياكل حاول ما تزعجه وتراقبه ما دام فار صغير (ما فك عيونه) اتركه وخفف أو طفي النور وسيبه (حاول ما تخرجه من حوضه يوم تأكله لا قبل الأكل ولا بعده) جرب ورد علينا
بخصوص النظافة أنا عن نفسي أغسلهم كل كم يوم مع مراعاة ان يكون الماء بارد بدون استخدام السخان بس لو الجو بارد خلي الماء أدفى شوي (ماء حار والثعبان بيروح في خبر كان) جففه بمناديل أو منشفة
تغيير الحرارة بسرعة ممكن يئذي الثعبان فما في داعي تدفيه وترجع تبرده كل شوي (الأرضية الرخام باردة خصوصا لو التكييف شغال) فحرام تفضل مدفي الثعبان حول رقبتك أو بيدك وبعدين تحطه على الرخام عشان يتحرك شوي
بخصوص التطعيم ما سمعت عن تطعيم للثعابين وإذا أحد عنده معلومات يا ليت يفيدنا
الإطعام الإجباري حل لكن خليه بعد ما تجرب كل شي لأنه صعب شوي وممكن يكون الحل في طرق أخرى غيره
(عصا غير مدببة أو ستيك زي حق الأكل الصيني) وحده تفتح بيها فم الثعبان لو صغير والثانية تدفع بيها البينكي (لا تستخدم فار بالغ ولا تستخدم شي حي في ناس يفضلون قطعة هوت دوغ مطبوخة ودافية) خليك ماسك فمه لين يبلع (تعدي منطقة الرقبة) عشان تضمن ما يرجعها وتضطر تعيد الخطوات ثاني
ياليت أكون أفدتك
تحياتي
|