|
رد: ياشباب البول بايثون اقدر استأمنها على..........
مثل ما قال سنيكس
+ تذكر انت الحيه لازم انت تعرف حالتها !
مثلاً القطو بيصارخ أول و الجلب يكشر و ينابح إذا عصب
لكن الحيه بكل برود ما تعرف شنو حالتها الحين !
مرتاحه متضايقه فالحذر مطلوب بكل الأحوال لو مهما تكون
بتظل حيوان بري !
انا عندي 2 عادي اخلي عيال عمي ولا عيال خالتي صغار يمسكونهم
بس أكون موجود أي غلط ممكن توديهم بداهيه خصوصاً أنهم صغار !
و حتى لو مسكتها و حسيت انها هاديه مو تأمن يعني :\
انا مره ماسكهم اهم الثنتين و اعدل الحوض و بدون اي حركه مفاجئه
ممكن لفت نظرها حركتي ما ادري بالضبط !
مره وحده رفعت راسها طبعاً متجاهل الموضوع متعود انها اليفه و عمرها
ما سوت شي ! ، بأقل من ثواني ولله ما يمديك تتحرك و تعض وجهي &&"
هههههههههههههههههههههههههههههههه 
صح ما تعور بس ياخي الدم يصب صب !
بالمختصر المفيد ما تأمن عليها 100%
اساساً ولا حيوان ممكن تأمن عليه !
لكن تختلف نسبة الخطر و البول بايثون
حيه فتوقع نسبة خطرها على عيالك !
لكن مهما يكون تراهي مو قاتله 
يعني حتى لو عضت بسرعه توخر
فأقولك توكل عالله و دير بالك
و لا تخليهم يمسكونها الا و انت موجود لا سمح الله مسكوها
غلط او شي الله اعلم
|