[pitbull-lover]

بسم الله الرحمن الرحيم

اخوي الكلاب بطبعها تحس بأصحبها الجدد و لكن بعد مو شرط انه ينساك و لكن راح اقولك قصه صارة معاي ..

انا مره شريت بلاك كوت من احد الاشخاص و كان الشخص هذا هامل الكلب و لكن بس يعطيه اكله و شربه و ينظفه و لكن صحة الكلب 0% يعني ضعيف و فيه امراض ( دود , ارتهاب في الاصابع ) يعني كلب تعبان مره .. المهم انا اخذت الكلب من عنده و كان الكلب شرس مره و حاولت اتقرب منه و في الليل كان كثير العواء و النباح المهم عندما تعود علي الكلب عالجته و حلقت شعره و اهتميت فيه و قعد معاي الكلب حوالي 8 شهور و صرت ادرب الكلب على الجتماع مع الناس حيث انه ما يهجم على الناس الا بأمر مني او لما اكون غير موجود هو يهجم على الغريزه المهم راحت الايام و جاني صاحب الكلب في يوم من الايام و كنت رابط البلاك كوت في الحوش و لما شاف الرجال الكلب حاول انه يلمسه و لكن الكلب هجم عليه و ما رضى له يقرب منه فقالي انت خربت الكلب شلون خليته يقلب علي و انا كنت راعيه من اول ما كان جرو ... قلت له طبعا شوف شلون كان عندك و شلون صار عندي فرق السماء عن الارض و الكلب انا فرغت له وقتي و لعبته و اهتميت فيه يعني الكلب حبني و خاف انك تاخذه من عندي و ترجعه للوضع القديم الي هو كان فيه ...

الزبده اخوي الي ابي اقوله لك الكلب اذا عاملته زين و رعيته زين و ما ضربته و ربيته تربيه طيبه صدقني ما راح ينساك ..


تقبل مني اجمل التحيات مع تمنياتي لك بالتوفيق ...