[كرم العراق]

مشكورين جميعا على المرور والتعليق

المشاركة الأصلية كتبت بواسطة الباشق الغريب

اخي كرم العراق مبارك عليك ..
بالنسبة للانثى مثل ماكالوا الشباب خليلها حجر او حجر كلس خشن وهي تجك منقاره بي ,
بس حبيت اسأل غريبة انك بدلت الذكر الكريمي وما بدلت الذكر الازرق ؟!! لاتكلي انه مشكوك بامره , لانه ذكر واضح مع سبق الاصرار والترصد ههههه , لكني عزيز هذا النوع نسميه في بغداد ( مشجر ) وهو يشبه قلييلا ما نسميه في بغداد بالهولندي , لكن كل واحد منهم توزيعه اللوني مستقل يعني مو واحد مشتق من الثاني نهائيا ,
المهم الذكر الي بدلته بالانثى هو من نفس نوع الانثى بس هي صفرة وهو كريمي وهذول الوانهم احلة من العادي الازرق او السادة !!! بعدين باوع وجه للذكر الي عندك وبناء جسمه والمنقار مالته مثلث بشكل مباشر مو بتقوس , وهاي احتمال تدل على نعومة جسمه او عدم الاعتناء فيه خلال فترة التربية , هذا لو تقارنه بالكريمي المشجر الي بدلته تلاكي ذاك احلى منه بكثير ..
على كل حال حبي ما اريد ادوخك بالخييييييييييييييير , والله يطرحلك البركة .

عزيزي اشكر مداخلتك الحلوة و انا اتفق معاك 100 %

لكن انا مبتدئ

و من عرفت انه الكريمي ذكر

قلت راح ابدل الازرق بس باخر لحظة غيرت رأيي خفت لا يطلع انثى وهلمرة يصيرلي اناثس ثنين و الحقيقة ما عندي مجال كل شوية انزل للسوق و انا اصلا اخذت الزوج اول مرة علمود الكريمي

المهم

الازرق فعلا كان تعبان

لكن الان صحته تمام و كثير صاير حلو ومتغير.

ان شاء الله انزللكم صور جديدة عنهم بس يصير مجال.