[miss.7aera]

السلام عليكُم ..
كيف الحال .. ؟

اخواني ساعدوني الله يخليكُم ..
هامستري تعبان و مرريض .. ، و اعتقِد انه بجيه سهال !!
ما كان فيه شيء و مصحصح لما طلعت عنه .. ، عني تراني ما افهم ليه .. هو دايماً يقرض بحديد القفص .. ، و حتى العجلة ماله قرضها كلها و طاحت !

فيه حاله نفسية .. ؟

هامستري نشيط جداً جداً جداً لما احطه بمكان واسع يركض و لما اناديه يسمع اسمه و يجيني و يحب ياكل من ايدي واجد .. ، بس من لما خلص اكله الحبوب الي اشتريه ليه .. قمت ما اعطيه الا خضار .. مثل الخيار و الفرفرخ ! ، بعد اعطيه تفاح بعض الاحيان و اعطيه جزرر .. و الخ من الخضروات المهم انه صار لي بكمل شهرر ما اكل شيء اسمه حبوب !

و احسه بعدها ضعف واجد ، حتى الفيتامين ماله خلص ! ، و كل مره اقول بروح اشتري ليه محد يوديني المحل الي يبيعون المهم انه بعيد يعني .. !

اللحين يا عالم رجعت ليه اناديه ما يتحرك .. ، عيونه مغمضه .. و ما يفتحها

اللحين توني من ساعه بس رجعت البيت اناديه ما يتحرك احركه ما يتحرك .. احركه عدل بعدين حسيت فيه نفس .. ، و اذونه كانت مفتوحه دليل انه يسمعني و يتصوخ وش اقول ووش اكتب بس ما يقدر يتحرك .. بسرعه قمت احركه و طلعته و عطيته اكل و بدلت ليه نشارة الخشب .. " علماً انه صار لها فترة مو مبدله " ..

ياكل من ايدي بس على خفيييييف جداً .. ، حطيته بساحة بيتنا الكبيره و اني ابدل ليه الخشب .. جفته يتحرك على بطيء بطيء .. و يتحرك شوي و يوقف شووي و فتح عيونه بس مو على وسعها بس فتحها شووي .. ، و ياكل من ايدي ..

جفت انه جاه سهال فعلاً بس خفييييييييف عدل .. ، يعني بالكاد تقدر تلاحظ .. ، حسيته من كم يوم انه بيمرض الانه حسيته مو طبيعي .. !

و لاحظت بعد من جم يوم انه طلعت ليه حبه صوب خشمه و انه رطب .. فحسيت انه بيمرض !
بس مو جذي =( ..

المهم ، اللحين وش تنصحوني اسوووي ليه .. ؟ اليوم الجمعه و باجر السبت المستشفى مبند و اني اخاف اذا خليته من اليوم لباجر بالليل يمووت =( اعينوني اعانَكُم الله !
اني اوردي بوديه محل الي شريته الاني شريته من محل بيطري .. يمكن يسون لي حل .. ،
بس اللحين قولو لي الهامستر المريض شنو يسون ليه .. ؟

ترى اني قاعده برى غرفتي بالحر عشان ما اخليه يبرد و يتعب .. و مغطيتنه بمنشارة الخشب تبعه .. و قاعده اراقبة .. احسه كل شووي يتنتفض او يتنفس او شيء جذي يعني بس اذونه و لله الحمد للحين منتصبه على انه يسمعني يعني ؟

ساعدونيييييييييييييييي رحم الله والديكم