[pitbull-lover]

بسم الله الرحمن الرحيم

اختي كلام اخوي فايز هو الصحيح لان اول ايام الرسول صلى الله عليه و سلم ما عندهم احواش يعني حديقه و حتى لو تلاحظين بيوت اول غير كان البيت له باب خارجي و بعدين غرف يمين و يسار البيت يعني الحوش فيه بس منور من فوق عشان البيت نفسه و لكن الحين الوضع تغير صار في البيت حديقه و خارجيه يعني ما لها اي صله في البيت الا انها مكان نقاهه يعني تجمع عائلي او راحه نفسيه او هوايه زراعيه يعني تفنن ( زرع نخل , زرع ورود , زرع اشجار ... الخ ) ولو تلاحظين اول كانو يسوون قفاصه ( دجاج , حمام ) فوق السطح و الحين لا كل شي في الحديقه يعني صارت الحديقه ارض للراحه النقاهه النفسيه و لاكمال الجمال الخارجي للبيت و بعد للهوايات ...
و مثل ما قال فايز اخوي الكلب مو لما يكون داخل حدود البيت يعني ما تدخله الملائكه و لكن لو كان الكلب داخل البيت يعني في الصاله المطبخ ...الخ هنا يكون الكلب محل طرد للملائكه ...
ثاني شي اختي الكلب حارس و صاحب و امين .. يعني راح يحميكم ما يضركم ... راح يحبكم لو عاملتوه زين و راح يبين لكم اخلاصه ... راح يداري عليكم و على حلالكم ما راح يسرق منكم ...
انشاء الله ان الكلام الي قلته يسهل عليك و يوفقك على اقتناء كلب ...

تقبلي مني اجمل التحيات مع تمنياتي لك بالتوفيق ...