السلام عليكم ورحمة الله وبركاته
كيف حالكم ياشعب تو زوو العظيم
اممم... قبل شهرين اشتريت افريقي غير اليف كان عمره سنه وشوي
وسبب لي الصداع لأن ماعدي وقت ادربه دراستي ماخذه وقتي
فقلت ابيعه واخذ فرخ صغنون واربيه على كيفي
<<< موب عاقل يالمروض
وابشركم شريت واحد اظن عمره في الـ 5شهوور
لون عينه رمادي غامق اقرب للسواد
ماشاء الله تبارك الله
الطير مايعض بس فيه جعرهـ
واذا شلته يسكت
بس عندي كم سؤال انا خذته للبيطري وقالي سليم ولله الحمد
برازه وانتم بكرامه متماسك خيط اخضر وابيض مع شوية سائل شفاف
ياكل بنفسه لكن البيطري قال غره زيادة بالسريلاك افضل له وفعلا صرت اغره (سيريلاك مع جلوكوز)
وشهيته كويسه ويحب التفاح ..
مايعض بس يحب يهرب مني وجعرته تروح لما اشيله بيدي
نجي للسؤالات <<على قولة دكتورنا الهندي فاروق ههههههه
الطير يحب يقعد تحت بالقفص هل هذا طبيعي..؟
هل في ضرر لو عطيته تفاح كل يوم لأنه يحبه مررره..؟
طيري يحب ينفش ريش راسه بس.. هل هذا عادي...؟
يحب يقعد في حضني ايش معنى هالحركة..؟
لاحظت اني لما اعطيه سيلاك ويجي على ريش رقبته في ريش طايح مع ان باقي الجسم كامل ايش السبب..؟
متى يبدأ يتلقن مني الحركات (مثلا لما اقوله راسك ينزله) في اي عمر يبدأ؟؟؟
ايش نصايحكم لي لأن توني جديد في التدريب...؟
اخوكم معآآآّذ