[صمت الأمل]

ماشاء اللهـ ..



كل هالأسئله ؟؟



طيب بأمشي معكـ واحد واحد .



اشتري على حسب المساحة اللي عندكـ .. اذا كبيرة اشتري اللي تبي . صغيرة في حدود الخمس .



يصلح تربيهم في البلكونه .. بس وفر لها قفص مناسب .



بالنسبه لي أنا أشتري لكل 5 أناثي ذكرين بس .. عشان ما يتقاتلون .



الفقاسه للبيض اذا كنت تبي تفقسه عشان يفرخ لكـ .




واللهـ ما أدري عن سعرها .. بس اذا كنت على عدد بسيط أنصحك ماتخسر نفسك تشتريها . لأنها غاليه وماشفتها الا تاخذ عدد كبير من البيض ..




الجوز أذكر آخر مرة بالرياض كان بـ 15 ..



السمان صعب جدا انهم يفرخون ويجلسون على البيض .. لازم تشتري الفقاسه عشان يفقس لكـ .



عدد البيض يعتمد على حسب رعايتك لهم وعلى اعمارهم .




ممكن انك تحط لك صندوق خشبي لهم يحميهم من الشمس أو البرد .



أفضل نوع بالنسبه لي وأرخصهم الياباني .. اللي لونه بني . معروف جدا .



ينفع تربيهم بالبلكونه .. بس الأفضل في مكان فيهـ تربه . لأنه يحب يحفر فيه ويبيض عليه .




أسعار الأقفاص في سوق الحمام بالرياض ميب غاليهـ .. أنا أشوفهم يبيعون كبيرة منها بـ 15 أو 20 .




ان شاء الله أفدتك ومعليش على التأخير .. ماشفت سؤالكـ الا اليوم .



اي سؤال ثاني اتفضل اسأل .. بس الأفضل تشيك على السوق اللي عندكم وتستفسر من عندهم الأسعار .



تحياتي لكـ .