اقتباس:
المشاركة الأصلية كتبت بواسطة 7baieb
اختي فلونة حياك الله
ممكن كلامي يزعلك شوي لكن مايهم يقول المثل يابخت من بكاني ولا ضحك علي الناس
اولا انت غلطانة عندما تركت الطير عند البائع بعد ما اخترتية بحجة انه يروض طيرك ....... ما عندك المنتدى صرح كبير فيه كل الطرق لترويض الطيور ولأنة بائع متجول وليس له هوية مثل محل تجاري او اسم معروف فلذلك انت زبون مطلوب لمثل هؤلاء الباعة عديمي الضمير
ثاني غلطة انك بعد ما استلمت الطير ولاحظتي انه مختلف عن الذي اخترتية كان رجعتيه في نفس الوقت ما انتظرتي لليوم الثاني
ولكن بعد ما وقعت الفاس في الراس مالك الا الدعاء بان يعوضك الله خير منه وهو حسابه عند الله
ارجو من الله ان يعوضك طائر افضل من الي راح وهذا الحياة تجارب ودروس وكل دقة بتعليمة ولا تتحسفي علية اشتري غيره وروضية انت بنفسك وانسى الي راح
تقبلي تحيتي واحترامي
|
مشكورر اخوي على النصيحه
لاكن عشان الكل يفهمني
انا وزوجي رحناله لعند بيته ودخلنا عنده واخترت الفرخ
وليه خليته عنده .....
اولا لاننا متفقين معاه اننا ندفعله نصف المبلغ لانه اصلا ماعندي الا النص
وبعد كم يوم اقدر ادبر الباقي واخذ الفرخ من عنده
وثانيا الرجال كبير وابو عيال ومتدين ولا فكرت انه بيغشنا او ممكن يغشنا
والرجال مربي للافريقيات وعنده ماشاء الله مجموعه وفيه منهم مدربين
وصحتهم كلهم كويسه
هذا اللي انا شفته قدام عيني
وبعد يومين اتصل على زوجي واستعجله ياخذ الفرخ بحجة انه بيسافر
والحمد لله وقتها سبحان الله بعت قطه من عندي ودبرت الباقي
وقلت الحمد لله تسهلت
وواعدنا في مكان غير بيته عند شارع مظلم شوي
وطبعا لانه رجال انا مانزلت زوجي اللي راح عنده وشاف الفرخ
وزوجي مايعرف شي في الطيور ابدا
وسلم المبلغ واخذ الفرخ
وكل واحد راح في سبيله
انا حاولت اشوفه كويس بس الدنيا ليل وظلما
واول ماوصلت للبيت شيكت عليه
وانصدمت
طبعا ماقدرنا نتصل فيه وقتها لانه الوقت متأخر شوي
ولما جاء الصباح كلمه زوجي وقاله الطير مريض
قال انتو اكيد عرضتوه لمكيف واكيد لقط من عندكم فايروس
يعني بالعقل متى يمديه ياخذ فايروس
وانا عارفه انه الطيور تبرد واول ماوصل حطيته في غرفه مافيها اي تيار هواءي
ولحفته كمان
المهم زوجي قالي يمكن انتي غلطانه ومافيه شي
وانتظرت لين الظهر لاكن شكله حيموت
وشفت اصابع رجوله نحيفه مرررره والجلد مكرمش يعني عنده جفاف
وكلمه زوجي قاله بنرجعه
قال انا مو موجود وانتو على كيفكم ترجعوه هوه مافيه شي انتو اللي مرضتوه
وهذا اللي صار
وامس كمان زوجي كلمه قاله رجعلنا نص المبلغ بس ومتنازل عن الباقي
لاكنه رفض بالمره وقال مالكم شي
والله انا ممكن ادعي عليه واجيب اجله
لاكني اخاف يصير للرجال شي واتندم بعدين
لاني مابغى اضر احد مهما كان يمكن الله يهديه ويعتدل
او يصيب عياله مصيبه وايش ذنبهم مساكين عشان ابوهم ينضروا
لاني مره دعيت على مدرس ولدي ضربه ضرب مبرح بدون سبب
ومسكين ولدي في سنه ثاني ابتدائي وضعيف وهاادي لابعد الحدود
وبعدها المدرس ماجاء للمدرسه شهرين قالو انه طايح في الفراش
واتندمت مرره
المشكله انه صاحب الفروخ مو معترف انه كان مريض
واقوله البيطري يقول الكلام هذا يقلي ليه هوه آيه ويعلم بالغيب !!!!
لا حول ولا قوة الا بالله
لاكن باحاول مره ثانيه ولعل وعسى ربي يهديه ويرجعلي لو نص المبلغ
عشان اقدر اشتري واحد غيره لو غيني مو مشكله
بس من جد شكلي اتعقدت وخايفه اشتري