[صمت الأمل]

الكتاكيت الملونه أغلب شيء يكونو ذكور ..((( ديكة )))



اذا تعرفين مزارع الدجاج اللي تنتج البيض اللي يباع في السوبرماركت ...!!!



الدجاجات من وهم صيصان صغيرين يعني بعد ما يفقسون من البيضه يفحصون هل هو ذكر أو انثى ..



(( يعني دجاج أو ديكة ))



ياخذون الدجاجات عشان تنتج لهم زيادة بيض ... طيب الذكور ايش يسوون بها ؟؟؟


يصبغونها بألوان جذابه ويبيعونها في السوق ..



وهم يموتون بسرعه لأن نوع هالدجاج حساس أصلا .. فكيف بصيصان صغيرة وصبغوها بمواد كيماوية ضارة ؟؟



تضعف مناعتها جدا بس اللي قوية بإذن اللهـ راح تعيش .



بالنسبة للشبك أو الكرتون لازم تنظفيه كل فترة وفترة وتشمسيه .. لأن اذا تجمع الوصخ فيه يكون مكان تكثر فيه الجراثيم ..



والكتاكيت محتاجة شمس وتنويع في الأكل ..



حطي لهم شوي رز من باقي الغداء .. اغسليه بمويه دافيه عشان يروح منه الدهن والملح وعطيهم ..



بتشوفين ينجنون عليه .



واذا عندك مكرونه أو شعيريه اسلقيها في ماء حار شوي ثم عطيهم .. راح يتهاوشون عليها ..



وعطيهم باقي السلطه وقطعيها صغار ... واذا لقيتي حشرات عططيهم ... يحبونها .



ولازم التراب يكون عندهم لأنهم ياكلون منه شوي عشان يساعدهم في هضم الأكل ..



طولت عليك يس لاتنسين تقولين لنا ايش صار لكـ معهم .. وأي سؤال انا والأعضاء حاضرين ..