[ظريف]

انا اتوقع اخطائي واجد ولحد اليوم بس مادري احس اكبر خطا خطيته اني الي خليته يقص جناحه قصه بطريقة خلت الطير اذا طار على طول يطيح على وجهه والي صار ان مرة من المرات الطير طار ومسكين صدم الباب في عينه وبعدها الطير صار كل خامل وساكت وبعد فتره انتفخت عينه وصار كل ساكت ومتالم وصرت اوديه من بيطري الى بيطري ويعطوه ابر ويرجع نشيط يوم ويعود وصارت حالت صعبة دائما الطير متالم وكان فيه بيطري انا ماحبه لانه عنيف ودائما حلوله جدرية ابر هرمونات الى اخره فاضريت اروح اله قلت اخر ملجأ وماكذب عليكم داك اليوم سبيت روحي سب لاني وديت الطير اله لان الي سواه انه جاب مشرط وقام فتح محل النفخة وقام يضغط عليه وطبعا انا مجود طيري معاه عشان لايهرب والطير مسكين يطالع فيني وهو يجعر مع العلم انه الطير صار اله شهور عندي وماكان يجعر اصلا اصلا المهم انا طلعت من هذا البيطري ووالله دمعتي في عيني وعلى طول رحت لواحد ثاني بعيد عني شوية بس رحت وشرحت اله الوضع ماعلق بالنسبة الى علاج الدكتور الثاني بس عطاني مرهم ريحته مثل الكربون احطه على الجرح يوميا وهذا وظيفته انه يطلع الوصخ بس ماكذب عليكم علاج السوداني صحيح متوحش بس هو الي فاده ماقدر انكر لان الطير يوم ثاني بس رجع كلامه مثل اول وواضبت على الكريم والحمدالله النفخة راحت بدون مانظطر ان نفتحها مرة ثانية مع ان الاول كان يبيني اجيب الطير يوميا لمدة اسبوع وهو يسوي هذا الحركة بس الحمدالله الان الطير كمل معاي سنتين او اكثر شوي من صابه المرض وهو الان من احسن مايكون وصار واحد من البيت لو افكر مجرد تفكير اني ابيعه شان يجيني طراق محترم من الوالدة خخخخخخخخخخخخخ وهذي تجربتي واتوقع ان هذا مو اول خطا ولا اخر خطا سويته بس صراحة كان اشدهم