[اسبانيول]

المشاركة الأصلية كتبت بواسطة CaTTy

انا عن نفسي اشتري من سوق الحمام وترى ماكو احلى من الهندي لي خوفته وقلتله بروح افحص القطوه واذا فيها شي اردهل لك وتقعد تتفلسف عليه لووووووول

مره شريت من محل قطوه صغيرونه وبعدين رحت اتفرج بعد يوم وعجبتني قطوه بيضا " سحتوته " وقمت استعبط ع الهندي واقوله ابي ابدلها مع قطوه شريتها منك قبل امس .. انا قلت جذي عبط بس شفته متردد يعني فيه امل ابدلهم .. واقعد اناشبه ليما وافق وبدلناهم

والحين عندي سحتوته جنها البخت ربي يحفظها مطعمه ونظيفه وصحتها اوكي

وعندي غيرها فطريه شاريتها من 5 شهور والحمدلله عال العال الله يحفظها

والجلاب صح مو شي بس لا تقارن الجلاب بالقطاوه انت لما تدخل اي سوق ممكن محلات منه ماتعجبك ومحلات تعجبك .. وممكن بمحل تحصل شغلات حلوه وشغلات مو حلوه .. مافي شي كامل

اهم لاشي يناسبك وانت اذا تبي تتاكد انه مافيها مرض جيك عليها خله يحطها ع الارض وحاول تلعبها شوف نشاطها وجيك على نظافتها وعيونها

وحاول تتلمس شعرها تتحسس اذا فيه براغيث على جلدها او لا .. اذا فيها راح تحس بملمس حبيبات

والسعر ناشبهم وبتاخذها بالسعر اللي يعجبك

ياهلا ولله و مرحبة

رحبو معاي شباب وشابات بخبيرة السوق المحلي المستشارة CaTTy


ولله اختي مادري شقولج بس عنجد انج شاطره ولله بالأقناع .. شكلج فنانه بالأقناع وعارفه شلون تقنعين الأهل بشي تبينه .. لن ولله كنت شايل من مخي سوق الحمام واني ادور اقطاوة مناك
بس اقنعتيني اني احاول اشوفلي شي واروح لهم

بس يبلي كورس حق تعامل مع الهندي ... مادري لو تقولين لنا شلون طريقه الي انكسر راس هندي فيها لووول


شاكرج اخيتي واشكر ولله كل من عطى وابدى نصيحه يستفيد منها الكل على راسي ولله