|
رد: استفسارات عن بغبغاء الدره ::ساعدوني
حسب معلوماتي البسيطة .. الدرة الهندية لونها اخضر فقط اما الهولندية تجي بألوان متعددة منها الابيض والاصفر والازرق والي مهجن يجي ملون .
اما الافضل فأعتقد انه الانثى هي الافضل لاني ربيت انثى وربيت ذكر كلهم شبه اليفين لكن ماشاء الله الانثى جريئة وتحاول تتكلم والذكر اكسل .
العمر المناسب للتربية ان كنت تبغى تولفها وتعلمها الكلام من وقت ماتكون فرخ لحد 6-7 شهور تقريبا
وان كنت تبغاها عشان انتاج فحيكون من بعد سنة .
تحديد العمر .. من حوالي الشهر السادس حيبدأ الطوق حول الرقبة يظهر عند الذكر اما الانثى ماحيظهر لها طوق .وذا الفرق الواضح بين الذكر والانثى .
طبعا ان كان الطوق كامل فمعناه ان الطير ذكر وعمره فوق 8 شهور .
اذا ناوي تدرب الطير فطبيعي تقص جناحاته واظافره عند البيطري عشان مايهرب او يتعرض لحوادث . وبعض محلات طيور ممكن تقوم بهذا الشي لو طلبت منهم .
يفضل انك تاخذ طير مدرب جاهز لاختصار الوقت والجهد ان كنت مالك خبرة او مالك خلق للتدريب . وممكن تلقى طلبك ف قسم البيع .
|