[هاااايز]

السلام عليكم ورحمة الله وبركاته

اخواني الاعزاء انا شريت بغبغاء افريقي قبل ثلاثه شهور كان متوحش لدرجة الجنون والحين الحمد الله في تقدم بالحاله من اول اسبوعين خف الجعير ودربته يطلع على اليد يطلع فتره بسيطه وبعدين يطير وياكل من يدي اذا كان جوعان مره اما اذا كان ماله فتره ماكل ما ياكل من يدي ولا يعطيني وجه
وبالنسبه للاكل الثاني غير الحب الشمسي ما ياكل الا التمر وامس عطيته برتقاله واكلها ..الحين ابي طريقه لاهنتوا تخليه يترك التجعير نهائي لانه يجعر اوقات خفيف مو جعير بس يطلع صوت جعير خفيف مره وينفش ريشه ويحاول يعض مع انه دربته على انه ما يعض واذا عض عضته خفيفه مره بعكس اول كانت تنهش الجلد وثاني شي الكلام الى الان لم ينطق كلمه وحده مع انه يصفر ويشكل بالنغمات ويقول كلام مدري وش يقول بس ماهو كلام مدري وش يبربر شريت كليكر من امريكا عشانه بس الى الان ما دربته بالكليكر اهم شي ابيه يترك التجعير نهائي واذا طلع على يدي ابيه يطوووول لانه يجلس دقيقه ويطير وتحياتي لكم