[صمت الأمل]

آيس موكا


أول شيء مبرووووك لك الجوز .. بارك الله لهما وجمع بينهما على خير .. خخخخ .

ومبروك بعد على وقفهم على يدك وبدون ماتسأل أحد عن الطريقة .. شكل تربية الطيور عندك غريزة .. أو موهبة مدفونه ..

وبالنسبه للتوالف بينكم اذا وانتو عندهم ويغردون معناه انهم تعودو عليكم وان شاء الله ماهم خايفين منك ..

وأنا عندي جوز بادجي صغار في العمر كنت حاطة لهم العش وكل يوم داخلين فيه ..

حطيت خيوط حق اللي يبنون ويخيطون بها العش وللأسف .. تركو العش .

فنصيحتي لك انك توخر النشارة وترجعها لهم اذا شفتهم باضو ..

هذا هو وقت النشارة عشان تساعد البيض انه مايتبخر منه الماء بسرعه ويفسد ..

وعشان الفروخ مايجيها خلع الرجلين .. اللي هو مرض صعب بس موب خطير على الحياة ..

والبياضة حطها من جهة القفص اليسرى أو الجنب الأيسر ..

والأرجوحة مثل ماقال LiLi لأن البادجي لو حس ان البيت موب ثابت أو يهتز ماراح يبيضون فيه .

والشمس ضرورية لهم خليهم تحتها ومباشر لهم اذا كان في وقت العصر أو أول الصبح وبارده

عشان يتشمسون .. واذا كان فيه هواء بارد وخرهم عنها عشان مايزكمون .

وبالنسبه متى ينتجون انت اذا شفت الذكر يلقح الأنثى فتمام .. وممكن غير الجرجير بذور الفجل .. واذا ماقدرت تحصلها فعادي الجرجير يكفي .. أو تحط لهم تراز بارد بس بكميه بسيطه جدا ..

وان شاء الله بالنسبه لي أنا راح أكون من المتابعين لك ..

وبالتوفيييييق يارب ..