[اتعبني غلاه]

احم احم اعرف الموضوع شويه قديم بس وصلت لو عن طريق قوقل


وبصراحا اضايقت من ردودك يابندولة حب


لانك بتهيني الغيني ..


انا اخدت ببغاء غيني من واحد فالمونتدى

عمرو حوالي سنه و8 شهور ..


وطبعن مو اليف


وعشان من منطقه تانيه صاحبتي هي اشترتلي هو ع بال ماخدو وهي عندها كوكاتو

والله اللي جلسها عندها 3 ايام .. جاني يقلد صوت الكوكاتو وتصفيراتو


وكان كل يوم يجعر واقعد جنبو ماكمل اسبوع الا بطل جعير .. ((مع انو مصيود))

وكل ماسمع تصفيره ف النت لما افتح مقاطع اليوتيوب ماشاء الله عليه لقطها

يقلد صوت البسه وصوت البوسه .. واصوات كتير .. ويقول كلمات غير مفهومه

ودي بداية كلام .. دحين امسح على راسو واحطو فوق يدي وراح انزل صور لو فالمونتدى

لاني سمعت ناس كتير تقول الغيني عنيييييييد واستحاله تخليه اليف مدامووووو

مو فرخ .. وانا دحين اثبت للكل انو ببغائي قرب يكمل السنتين .. ومو اليف

وف شهر خليتو اليف .. وماشاء الله عليه دايمن يصفر

وسار يحبني .. ويفهمني ..


صاحبتي عندها افريقي .. واصغر من حقي مو راضي يسير اليف ودتو كذا محل


حق تدريب مانفع ولا هي ماقدرت

ومايقول ولا شي

ولايصفر حتى ..

من جد الغيني اثبتلي انو هو ملك


وعلى فكره حقي مرا لونو فاتح الحمدلله

وبطنو ابيض .....

ويحب يلعب ويصفر ويلعب مع الصغار .. ..

بس حابه اقولك بدا كلو انو الغيني شي عظييييييييييييييم ..


والعالم العربي ظللللللللمو لحد كبيييييييييييير ..


((واقولك اتحدى تلاقي افريقي بهلواني .. عكس الغيني كلهم يحبو اللعب والدلع ... حتى انو يحب احد يلعب معاه ويدلعو ويمسح عليه .. عكس الافريقي بس يحب دا الشي من صاحبو ..))


وجعيرو مو زي الافريقي .. جعيرو اخف بكتير

بس صوتو فالتصفير والكلام اعلللللللللللللللى ماشاء الله عليه



انا لما كان يجعر عندي استحاله اللي برا غرفتي يسمعو

بس لما يصفر حتى جيراني يسمعوه ماشاء الله ..


مادري انا كدا اثبت انو الغيني عكس اللي يقال عنو تمااااااااااااامن

سامحيني على الاطاله

بس لو جلست لبكرا ادافع عنو ماراح اوفي حقو ..


هادا وانا مالي شهر معاه .. اجل لو كملت السنه ان شاء الله؟


شكلي بعبي البيت كلو منو