[توتي]

السلام عليكم ورحمة الله وبركاته

هذي القصيده من اختياري نقلتها لكم من سبيسي.. وسبب حبي لها القصيده هو قربي لها.. واظن انها كرهتني من كثر ما أقرأها.. وحبيت اني اشاركم فيها في المنتدى الحلو هذا.. اتمنى انها تعجبكم..

تقوول القصيده..

وش يقول القلب لي حل القــدر؟؟ .......... وابعد المحبوب لـــــــــي حب بجنون؟؟

وفرق الخـــــــلان والقلب انجبر؟؟ .......... ع البعاد وغـــــــــــــاب خل ما يهون؟؟

وش بقى لي غير همي والكدر؟؟ .......... منبعد فـــــــــــرقاك يا ضي العيون؟؟

انت حصني وانت لي قلب ومـقـر .......... وين اروح بغــــــــير قربك وين اكون؟؟

مثل عود ضايع منه وتـــــــــــــــر .......... مثل ذره تســــــــــــــبح بعالم وكون

وصلولي علم انه ما صـــــــــــــبر .......... راودته اشجـــــــــــان وافكار وظنون

قال والله الموت اهون يا بشـــــــر ........... منبعـــــــــــــاد اللي له قلبي يصون

وش حصل في غيبتي بالمختــصر .......... قالـــــــها في صوت زادت به شجون

يا حبيب القلب يا احلى قــــــــــمر .......... ياتويم الروح عشقي يا فتــــــــــــون

انت لي يا شوق وسمي المــــطر .......... ديمة تـــــــــــروي ظما قلب امحزون

في غيابك هاج بي موج البـــــــحر .......... واكسروا شــــــــــرع المحبه بالعيون

ضاع قلبي وفي هــوى الغير انجبر .......... وانت غايــــــــــــــب تاركنهم يجبرون

لوعتي في الحب م العلقم امــــــر .......... يا عسى المعبود يلهمني الســكون

قالوا: والله لو درى بـــــــــــج ينتحر .......... قلت ويبقى الجرح ورعشات الجفون

لا يشكي الحال وعني يعتــــــــــذر .......... من شاف بلوى الناس عثراته تهــون

كيف اعيش وقلبي له سر وجهــــر .......... والجسد للغير ملزوم بشـــــــــــؤون

والله انه المـــــــــــوت ارجوا وانتظر .......... رحمة الله من سهام بهـــــــا رمون

هذا واقع ان خفيته وان ظــــــــــهر .......... علـــموه..وان بغيتوا تجذبـــــــــــون

خبروه انـــــــــــــــي سليته وافتخر .......... وانــــــــــــي ببعده سـعادتيه تكون

واني لهوى غيره اســـــــعى وانتظر .......... عل وعسى يـا قلب ينساني واهون

بالصبر وصوه ويبشر بالـــــــــــــظفر .......... والاجــــــــــــر له عند خالقنا يكون

حلت الفرقا ولا بد م الهــــــــــــــجر .......... والســـــــموحه ان بغيتوا تسمحون



والسوالم..

الله لا يفرق بين الحبايب..


تحياتي/ توتي