[دراكولا المجنون]

ماشالله كلب جميل ........اختي بالنسبة للعمر ممممممممم عمره شهر او اقل بشوي يعني مو اكثر من شهر ونوعه اذا كان اصيل... اعتقد نوعه بلاك كوت او سيبل ....(work) كلب شغل مو شو
وبخصوص الاكل الصبح تقدرين تحطيله طبق عميق شوي فيه ماي والطبق الثاني هم عميق فيه حليب.. انا عن نفسي احطله ثلاث مرات باليوم الحليب والماي صبح ظهر وبالليل والاكل تقدرين تشترين علبة اكل خاصة للكلاب يبيعونها بالجمعية اسمها بدغري الصبح تحطين منها للكلب ابصحن.... تقريبا يعني ملعقتين متروسين والظهر تقدرين تحطيله من العلبة او بقايا الغداء عيش لحم دجاج اي شي يقدر ياكله وعظمة للتسلية يعظعظ فيها.......بس لا تحطيله عظام الدجاج والطيور لانها تجيب الديدان بالبطن وتعور بطنه وتجيبله مشاكل
وبليل هم تقدرين تحطين بقايا الغداء او العشاء الموجود او من العلبة على حسب انتي تشوفين شنو اهو يحب وياكل اكثر واهم شي الماي يكون نظيف... اذا توصخ الماي الاحسن انج تبدلينه

وبخصوص التدريبات اللي لازم يتعلمها انا شايف انه توه صغير ما راح يفهم شي بس في جم شغله يقدر يفهمها ولازم يتعلمها ابهالعمر واهيه التبرز بالمكـــــــان المخصص و لبس الطـــــــــــوق ..تقدرين تعودينه عليه شوي شوي
وفي مواضيع كثيرة في قسم التدريب عن هذي الشغلات وتقدرين تلاعبينه بقطعة قماش تخلينه يعضها وتعطينه جم شدة خفيفة علشان تقوين الفك ماله

والتدريبات الثانيه اللي اهيه/ come / sit / down / up / jump / stand / stay هذي تدربينه اياها لما يكون عمره شهرين تبتدين تدربينه اياها ....وهم في مواضيع عن هذي التدريبات في قسم التدريب

وبخصوص التطعيم ما عندي فكرة بالضبط شلون بس تقدرين تسألين الطبيب البيطري واهو يقولج
وهذا اللي انا اسويه وانشالله اكون افدتج ويفيدونج الخبراء اكثر
....تحياتي.....