|
رد: هل اشتري البغبغاء هذا ولا لا
معليش 4000 ريال ... ليه ؟؟؟؟
أنا اشتريت فرخ نفس مواصفات اللي شفته بـ حدود 2000 ريال
وبعدين نصيحة قبل ما تشتري أي ببغاء : -
1 - فصل الشتاء على الأبواب يعني لو تشتري فرخ عمره أقل من 5 أو 6 شهور .. راح يكون تحمله للبرد صعب جداً ويمكن يموت ، لأنه ما يقدر يدفىء نفسه وأنت ما تقدر توفر الدفء اللازم .
2 - إطعامه وتغذيته راح تكون عن طريق الإبره أو الملعقة ، فيلزم إنك تكون متفرغ حدود شهر أو أكثر حتى يقدر يعتمد على نفسه ويأكل بروحه .
3 - راح تلقى إن شاء الله طيور كبيره يعني تريح رأسك من الإطعام والمراقبة لمدة طويلة ، وراح تكون مقاومتها للأمراض بإذن الله أقوى من الفروخ ، وفوق ذلك تتكلم (( يعني الطير جاهز )) .
4 - إذا كان في بالك إن تشتري فرخ يعني معزم (( الله لا يعوق بشر )) فشوري عليك أشتره بعد فصل الشتاء يعني تقريباً في شهر 3 أو 4 يكون مع إعتدال الجو ، ويكون هناك إنتاج جديد ويكون معك فترة الصيف .
5 - أنصحك بالانتاج المحلي لأني أنا مجربه شخصياً وكم واحد من الاخوان في هالمنتدى الطيب ، ولا شفنا إلا كل خير والحمد لله .
آسف على الإطالــــة بس حبيت أقدم بعض النصح ... تحيتي والسلام .
|