|
رد: افيدوني بعمر الكاسكو بصورته
(( ما شاء الله تبارك الله ))
أنا عندي فرخ مربيه من عمر الشهرين ... طيرك عمره تقريباً (( 4 شهور )) توه صغير ويبين عليه لون عيونه توها سود .. لكن في هالفترة بالذات الجو بادي يبرد .. فعليك بالخطوات : -
1 - تحطه في مكان دافيء وتبعده عن تيارات الهواء وأعرضه للشمس كل يوم إما شروق الشمس أو غيابها بس ما تكون شمس قوية لمدة 10 إلى 15 دقيقة ... تراها مفيده وتقتل الجراثيم وتثبت فيتامين ( د ) في جسمه .
2 - تحاول إن يكون أكله طبيعي .. مثل الحب الشمسي الصغير علشان يسهل تقشيرها .
3 - تعطيه حليب تراه مفيد بس يكون دافيء ما يكون بارد أبداً .
4 - تشكل فواكه وخضار طبيعية يكون قطع صغيره جداً بحجم رأس الاصبع حتى يسهل عليه أكلها (( وتبعد عن البقدونس )) تراه يقضي على حياته .
5 - تحاول تروشه في وقت الظهرية وتسكر النوافذ ( طبعاً برشاش الماء ) البخاخ حتى يكون أسهل عليك ولا يخاف الطير منه وأبعد عن منطقة الرأس ومناخير وعيون الطير حتى ما يسبب له مضاعفات . وإن شاء الله إني أفدتك .. والاخوان يكملون شيء قد أكون نسيته .. دمت بخير والسلام .
|