|
رد: روّض سنجابكـ مع الآسطورهـ .. <{حصري لـتو زوو}>
السلام عليكم ورحمة الله وبركاته
أشكرك أخي على الرد ...
ورح حاول أني أدربه ... هو بالأصل بيخصص زاوية بأغلب الأحيان .. لهذا رح جرب أعمله المكان بهالزاوية بحيث يفهم انه عليه يتحدد أكتر ...
وبما إنه هلأ جبتله قفص أكبر رح يكون الموضوع أسهل ..
بس عندي عدة أسئلة بتمنى لاقي إلها جواب عندك ..
سنجابي كتير كتير بيخاف ... بس بيهرب وبيتخبى بحاول عوده عليي بمسدله وبيتطمن بس اتركه وارجعله بصير كأني جديدة عليه بس لسا بياكل من ايدي ..
بس بيهرب مني بذعر ...
أول ما جبت القفص الجديد كان فيه ثغره أجيت يوم ولقيته طالع منه وعم يلف بالبيت .. وما كان أول مرة بيطلع دايما بطلعه انا ... بس طلع وصار صعب امسكه .. بالأخير تاني يوم مسكته ورجعته ولقيته صار متل المجنون يريد يطلع
كتير زعلت عليه وطلعته وقررت خليه يطلع ويفوت على راحته لغاية ما لقيته خرب ونتف جزء من غطاء قماشي عندي لسبب انه بده يخبي أكله ...
فصار صعب عليي خليه برا دايما .... بخاف ينتف الكنب
طيب لو اتجاوزت هالموضوع ... شو بتنصحني أعمل
رح يصير إله عندي شهر وتعويده عليي عم يصعب وكل ما يطلع من القفص بيصير تمرده أكبر ودايما بيحاول يهرب
بحيث كل يوم الصبح بصحى على صوت قرقطه بأسنانه للقفص ...
بزعل عليه بس كيف بدي عوده كيف خليه يتطمن إني ما رح أأذيه وما يهرب مني ...
بدي ياه دايما يطلع من القفص بس بعد ما يتعود عليي ما أريد أضل بس أدور عليه طول اليوم ...
بس كيف ؟؟
بحاول امسكه بايدي وخليه يعتاد إنه يسكن بايدي .. أحيانا بيسكن وبيهدى وأحيان كتير بيصير بده يهرب متل المجنون ..
كيف اتعامل معه ؟؟
واعذرني عالاطالة
|