|
رد: استفسار عن مرات التزاوج
هو ما شاء الله عمره سنتين و دايما ياخذونه للتلقيح
وعنده خبره
لانها يوم كانت تتمنع ف يالبدايه تحملها يومين و بعدها هجم عليها و شل حركتها
وعند كل تزاوج تصرخ وتتقلب بعدها و تطلع اصوات...
وصار لهم لحد الحين متزاوجين 12 مره بوجودي...والله العالم كم بعد وانا مب موجوده
وكانت اول ما يقرب صوبها تمنعه وتضربه وتهرب...لكنه يهجم عليها غصب و يشل حركتها ...وبعد التزاوج تصرخ وتتقلب لمدة 10 دقايق...وثم ترجع بنفسها تطلبه بعد مره وتتقلب له ويرجع يتزاوج معاها على طول للمره الثانية واحيانا الثالثه...
واليوم هيه بعدها تتقلب جدامه و هو مب مسوي لها سالفه...حاقرنها...
هل معناته خلاص تلقحت عدل ؟ وممكن تكون حامل ؟ وكيف اعرف بحملها الحين ؟ كيف اتاكد قبل لا ارجع الذكر لاصحابه؟
لاني اعرف انه الحمل يبين بعد الاسبوع الثاني من احمرار حلماتها...لكن هل في مجال ينعرف الحمل الحين قبل مرور الاسبوعين ؟
وللعلم اشوفها اليوم صايره جدا حنونه وهاديه...عادة ما تقعد عندي ولا تقعد على السرير كثير و تتحرك كثير كانت وتركض...
اما اليوم اشوفها مستسلمه لي يوم امسح عليها و تتمسح برفاهيه على السرير و تتتدلع بحنان..وبعينها نظرات حنان...اختفت نظرات التكبر والغرور والشطانه من عينها و اشوفها تتمشى و تناظر بحنان...وتستلم لنا لما نقرب منها نبغي نشيلها...قبل كانت تهرب و ما ترضى حد يشيلها..!!!
هل هذا دليل النضوج ولا التلقيح ولا الحمل ؟
|