[د طارق]

بسم الله الرحمن الرحيم

السلام عليكم ورحمة الله وبركاته
رجعنا لكم لنكفي قصتي مع الأ وسكار
واللي ما كان متابع هذا رابط
قصتي مع الأوسكار (1)
وقصتي مع الأوسكار (2)
المهم يا جماعة الخير كان عندي زوج اوسكار
حاطه مع سمكة بلاكستوماس كبيرة لحالهم
الأوسكار الكبيرة 22سم والصغيرة 18 سم
وكان هالزوج شغال الحفر ما شاء الله وفضى تقريبا ثلث او نصف ارض الحوض
والمعروف ان الأوسكار من عشاق الحفر وبالذات في اوقات التفريخ
لكي يضع البيض على ارض الحوض .

استمر الحال على ما هو عليه لمدة شهرين تقريبا
وفي يوم كنا قاعدين على الغدا قالت لي زوجتي كأن هالأوسكار عميتقاتنلوا!!!
انا ضحكت وقلت لها شو عميتقاتلوا هذول زوج متآلف !!!
بعدين شو بيعرفك انت بالسمك؟!!!

الحقيقة ان المناوشات كانت خفيفة
بس بعد يوم او يومين صارت هالمناوشات قوية
وتكررت القصة اللي صارت معي في البداية
وتذكرت العبارة اللي قلتها في اول القصة
احذروا من غدر الأوسكار
خدعني الأوسكار للمرة الثانية

ولكن هالمرة كانت الخدعة قوية حيث ان علامات الزوج المتآلف كانت واضحة جدا
الحفر – التالف والسباحة سويا- مهاجمة الأسماك الأخرى سويا-
حتى لما كانت درجة الحرارة مرتفعة وفوق الثلاثين لم تحدث بينهم
أي مناوشات في البداية – ايضا يقال عن هز او رعشة الذيول كنوع من حركات الغزل
كنت اشاهدها عندهم...

المهم القصة لسه ما خلصت ...
لما شفت الضرب مو ضرب حبايب شلت الأوسكار الكبيرة
وحطيتها لحالها بالجزء الصغير من حوضي الكبير
اللي طوله متر واللي ما بيعرفه هي الرابط
http://2zoo.com/vb/showthread.php?p=902530#post902530

وخليت الأوسكار الصغيرة في القسم الكبير مع البلاكستوماس
لحالهم هم كمان لتشفى جروحها وتكبر شوي وتستعيد ثقتها بنفسها
وقلت يمكن صغر الحوض هو اللي عميخليهم شرسين
بقي الحال على ماهو عليه لمدة شهر ونصف
وكنت الاحظ ان السمكتين تتجهان الى بعضهما عبر الحاجز
ويحاولان اختراقه او ابعاده ( وهذه احدى طرق تشويق الأسماك
الى بعضهم وتشجيعهم على التفريخ) .
عندها شلت الحاجز بين السمكتين وخليت الحوض كله
بطول متر وسعة 250 لتر للزوج لحالهم مع البلاكستوماس
اللي طبعا ماشي الحيط الحيط وعميقول يا ربي السترة ( طبعا حيطان الحوض)
شو بتتوقعوا صار......












رجعوا للعنف والمقاتلات .....
وهنا اصبت أنا باليأس الشديد .....
وقلت وداعا للأوسكار
على الأقل في المدى المنظور
والزوج الآن كل واحد منهم قاعد في زنزانة منفردة في انتظار بيعه....

انا كنت واعدكم ان الجزء الثالث راح يكون وقت اللي بيظبط التفريخ
بس للأسف ما ظبطت معي
البركة فيكم
الخلاصة الأوسكار لاتحكم عليه انه زوج حتى يبيض قدام عيونك
ومتل ما قرات في كثير مقالات عن الأوسكار
انه ممكن يتصاحبوا تنين ذكور او تنين اناث او ذكر وانثى لفترة وبعدها يتقاتلوا
يعني شي بدو بااااااااااااااااااااال طويل وصبر اطول
ولهون بتكون خلصت قصتنا
وتوتة توتة خلصت الحدوتة
حلوة ولا فتفوتة ؟! .................................................................................