[خبيرهـ الحيوانات]

وعليكم السلام ...
بالنسبة للحليب ما انصحك انك تعطين قطوتك حليب كل يوم
لان كثرتة تسبب اسهال ... عطيها حليب قليل الدسم او منزوع الدسم
ولاتكثرين منة ... عطيها مرة بالاسبوع او كل اسبوعين .

الشي اللي يخليها ماتاكل هو انك ماتنوعين من اكلها ...
مايصير كلة حمام ودجاج ... عطيها مثلا دجاجة مسلوقة مع بطاطس مهروسة
وممكن تعطينها الدراي فود ( اكل جاف ) او دجاجة مفرومة او لحم مفروم ...
او جبنة قليلة الدسم ... لا ما اضن ان القطط تاكل الخبز .

بالنسبة للرائحة انتي غلطانة انك تحمميها اول يوم ...
المفروض تخلينها ترتاح وتطمئن اول يوم تجيبينها بعدين ثاني يوم تحمميها
اوك صحيح ان قطوتك تلعوزك انثاء التحميم فـ انتي جيبي الـ (تريت ) :



وهو اكل للقطط ... اوك الحين خلي حد ثاني يساعدك مثلا انتي تمسكين القطوة وحد يروشها اوك كل عشر ثواني اذا بقت هادية عطيها من التريت بس حبة صغيرة عشان تهدء ...
وفي شامبو وقاية للفطريات اذا استخدمتية مايصيد قطوتك فطريات وبعد ريحتة حلوة وقوية يباع في الصيدلية البشرية اسمة شامبو نيزورال انا شميتة والله انة ريحتة حلوة وبعد وقاية من الفطريات

لا مب شرط عند اشعة الشمس التحميم ...

الله يعافيج