مرحبا اخوي خالد واسف ع التأخير في الرد لكن رحت ابحث عن كل شيء وحللت كلامك واللي
في التمنه والكاسكو واحد من الثلاثه
1- نفسيه 
2-فيروس P.B.F.D المعروف بـ سيستان بيكان فيزر ديزيز
3- سوء التغذيه
راح اشرح لك بالتفصيل
الببغاء الأفريقي بأنواعه الثلاثه: الجانبو والنيجري والغيني تقف ع رأس قائمه الطيور التي تعاني من مشكله النفسيه وحالات مشابه في الامازون والكوكاتو والمكاو,,
ع حسب كلامك
وشهرين ما اعتقد تعود عليك الى هذي الدرجه بأنه ينتف ريشه لكن نجرب معاه كل شيء لأن مشكله نتف الريش مرتبطه وعشان كذا حط بالك العلاج اذا كان نفسيه راح يأخذ وقت من 6 شهور الى 9 شهور هذا اذا انت حاط الطوق بعد عشان ينسى النتف.
وأنا اقول نفس الكلام ما اتوقع المشكله علشان سفرتي
النتف حصل يوم حطيته هو والكاسكو على استاند واحد بعد ما جبت الكاسكو بيومين فقط بعدها سافرت وبدأ النتف
يعني المشكله كانت لوجود ببغاء اخر على استاند التمنه وهو ما اتعود على وجوده
انا ابغاك تشوف التمنه اكله طبيعي والا تحس انه خامل.
بالنسبه لأكله طبيعي ويمكن بعد شهيته ممتازه للأكل
لكن معتمدين في اكلهم على الحب الشمسي وهذا عيب اكثرنا
قبل يومين اشتريت لهم فيتامينات وكالسيوم ومضاد حيوي كلها على شكل بودره تذاب في الماء احطها لهم في الماء كل يوم
المشكله الثانيه والله يستر وانا خايف منها الفيروس بـ سيستان بيكان فيزر ديزيز
هذا المرض معدي ولا نقدر نعرفه الا عن طريق الفحص بالدم بواسطه الميكروسوب الأكتروني وما يتوفر الا برى ولا له علاج فعلي وانصحك تبعد الكاسكو منه لفتره لأن الحاله اشوفها انتقلت له وبدأ النتف من عند الرقبه .
ما اتوقع انه فيروس لأنه بدأ النتف لما جاء الكاسكو بسبب وضعهم على استاند واحد وهم ما اتعودوا على بعظهم
وبالنسبه للريش المنتوف في رقبة الكاسكو
الكاسكو جاني منتوف من الرياض يعني من يوم ما اشتريته وهو منتوف والحمد لله له اسبوع عندي وظهر اكثر من تسع ريشات جديده في مكان النتف
سوء التغذيه لها دور ويمكن التعرف عليها ايضا بطريقه الفحص بالدم بواسطه الميكروسوب الأكتروني ويبين النقص في الفيتمينات والانزيمات مما يسبب في اهتراء أو تكسر الريش وبعد سوء التغذيه ممكن يسبب حساسيه مرضيه أو سلوكيه وعلاجها سهل تعطيه من الفواكه والخضروات المفيده للببغاء
اتوقع ان المشكله في التغذية لأنهم معتمدين في تغذيتهم على الحب الشمسي والفول السوداني بدأت من يومين اعطيهم الفيتامينات والكالسيوم مذابه في ماءهم وامس اعطيتهم فلفل حار يتسلون فيه طبعن جالسين ياكلونه على انه حب يقشرونه وياكلون البذر اللي جوه>>>>>خخخخخ
ما ادري وش الفواكه والخضروات اللي يحبونها وياكلونها يعني مو يلعبون فيها و يرمونها .
من مسببات النتف الاضائه الزايده تخليه يحك اكثر حاول تخلي الاضائه وسط وكل يوم روشه وطلعه اول ما تطلع الشمس قبل ما تحتر ,,
بالنسبه للإضائه .. اضائة الغرفه طبيعية ..من الشباك يجي النور
اخوي خالد اتمنى اني افدتك وانت الوحيد اللي تقدر تحدد مرض طيورك بعد اللي شرحته لك.
ربي يخليك اخوي ابو محمد على اهتمامك
لك مني خالص شكري وامتناني
بالتوفيق