|
ابي اشتري كاسيكو لكن محتار
السلام عليكم و رحمة الله و بركاته
اخواني الاعزاء انا قبل اسبوع قررت اني اشتريلي كاسيكو فرخ يعني عمره سبع شهووور بالكثيير ... و امس رحت سوق الطيور عندنا في الدوحه و تفاجئت بأن سعر الكاسيكو الفرخ 4000 ريال قطري :eek: و تابعت البحث عن كاسيكو و ارخص كاسيكو بشكل عام سعره 1800 ريال قطري لكن عمره فوق السنه و شبه اليف و مريض ... سؤال هل هذي هي اسعار طيور الكاسيكو الطبيعيه ؟ فانا قلت بما اني بعد اسبوعين رايح البحرين فقررت اني اشتري كاسيكو من البحرين او المنطقة الشرقيه في السعوديه و حبيت انكم تساعدوني في : بحدود كم اسعار فروخ الكاسيكو في البحرين و المنطقة الشرقيه ؟ ابي اماكن تبيع فروخ كاسيكو باسعار معقولة و وين مكانها بالظبط و اسمائها ؟ ما هي افضل فصيلة من الكاسيكو للتربيه و افضلها بالكلام ؟ في أي عمر يبدأ طير الكاسيكو بالكلام المفهوم ؟ و اسمحولي اذا طولت عليكم |
رد: ابي اشتري كاسيكو لكن محتار
هلا خوي,
الاسعار هذي هي الاسعار الطبيعيه لقطر مع انها نزلت شويه. اعرف في البحرين بتلقاها على نصف قيمتها بالدوحه بس من وين مدري. كل فصائل الكاسيكو تستاهل التربيه ومنها ثلاث فصائل الكونغو الرمادي والتمني ونوع ثالث مستحيل تلقاه لانه تهجن وايد والاصلي شبه منقرض. انصحك بالطير اللي يكون اصغر ما يمكن سنا ولكن تحمل يبيلك اهتمام ورعايه زياده وياه, ويكون تربية اقفاص/مزارع مو كبش او صيد لانه الثاني اصعب ترويضه, والنوع الاول يكون اكبر حجما وذيله احمر ومنقاره اسود اما التمني فمنقاره العلوي شوي على بني وذيله تقريبا رمادي واصغر حجما من الكونغو. ان لقيتلك هولندي محجل وصغير في السن هذا انا انصح بيه والله اعلم. الله يوفقك. |
رد: ابي اشتري كاسيكو لكن محتار
:D هلا اخونا القطري ياهلا فيك والله يوفقك بطير جيد انشاءالله >>> 4000 قطري يعني سعودي اربع الاف لالا:eek: كثير مررة اخووي الفرخ مايتعدى الالف ؟ اما بالنسبة لانواع الكاسكو بيردون عليك اهل الخبرة ياغالي :D |
رد: ابي اشتري كاسيكو لكن محتار
اقتباس:
اقتباس:
يا جماعه الطير المحجل شتقدون به ؟ تقصدون الي له مثل الخاتم في ريله و لا شي ثاني ؟ و |
رد: ابي اشتري كاسيكو لكن محتار
اي والله مررة كثير 4000 ريال :eek: يعني مو حقه صرآآحة يعني ولو مات لا قدر الله عليا :confused: انا بشتري كاسكو بس مو بهذا السعر اذا بحدود 1000 ريال بيصير حلو كتير ... يريت اللي يعرفلي مكان في جدة يريت ما يبخل عليا وعلى الاعضاء ... تكفووون بس تكون الاسعار معقولة ;) |
رد: ابي اشتري كاسيكو لكن محتار
والله من جد غالي
4000 ريال كتير جدا حتى ولو كان محجل غالي الفرخ المحجل عندنا في جده ما يتعدى 1500 ريال سعودي يعني بالقطري نفس السعر |
رد: ابي اشتري كاسيكو لكن محتار
اقتباس:
اخوي انا ادلك على رح ارسلك على الخاص |
رد: ابي اشتري كاسيكو لكن محتار
نصيحه لاتخذوه لين ماتخذمعك واحد يفهم في الكاسيكو\اخوك قع قع
|
رد: ابي اشتري كاسيكو لكن محتار
اخوي عندك ببغائي نيوتن اذ1 تبيه بعطيك بـ 900 ريال ..,
|
رد: ابي اشتري كاسيكو لكن محتار
^
^ ^ لا والله انا خاطري بفرخ علشان اربيه بنفسي بعدين بيني و بينك طعوس و بران |
| جميع الأوقات بتوقيت GMT +3. الساعة الآن 01:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو