|
الثوم للببغاء ؟؟
السلام عليكم ورحمة الله وبركاته اليوم امي كانت تنصحني اني اعطي لفرخ الدره ثوم وقالت انه بيقويها وبيقتل الجراثيم ويقيها من الامراض :D بشو تنصحوني هل اعطيها او لا ؟؟ وما هي الطريقه لإعطاءه ؟؟ وكم مره ؟؟ :rolleyes: أختكم حمامه :D |
رد: الثوم للببغاء ؟؟
السلام عليكم ورحمة الله وبركاته وعليكم السلام اليوم امي كانت تنصحني اني اعطي لفرخ الدره ثوم وقالت انه بيقويها وبيقتل الجراثيم ويقيها من الامراض نعم أمك تقول عين الصواب وكلامها صحيح 100% شكلها كانت تربي طيور من قبل خبيره :D بشو تنصحوني هل اعطيها او لا ؟؟ ايه عطيها الثوم ينفعها لا يضرها وما هي الطريقه لإعطاءه ؟؟ الطريقه ركزي معي بما انه فرخ خذي ربع حبه ثوم كفايه وحطيها داخل كيس نايلون مقوى زي الأكياس الخاصه بحفظ اللحوم وخلي ربع الحبه ينزل بأي زاويه من الكيس وجيبي اي شي مناسب من المطبخ عشان تطحنين الثوم داخل الكيس حطي الادأة المستخدمه فوق الكيس على ربع حبه الثوم وحركيها حتى تفتت الثوم وحاولي الضغط عليها لأستخراج العصاره من الثوم وبعد الأنتهاء من العصاره تسوين ثقوب في زاويه الكيس الموجود فيه الثوم المطحون وتجيبين فنجان او اي شي مناسب وتضغطي على الكيس لكي تخرج العصاره وتصب في الفنجان حاولي تسكرين الكيس عشان الهواء ينحبس بداخله ويساعدك على خروج العصاره وبعد افراغ كل العصاره داخل الفنجان ( يفضل فنجان القهوه العربيه الاصيله ) نضيف عليه ماء لتخفيفه >> مهم وبعد اضافه الماء نتركه 5 دقايق الى 10 دقايق وبعدها نسحب الماء بالابره وننقط داخل فم الببغاء حتى يشرب الماء الكافي له على حسب قدرته.. مره واحده وخلاص بعدين نصير نعطيه الماء العادي لكن لازم تقشير الثوم قبل وازاحه القشور واذا شفتي عصاره ربع حبه قليله بأمكانك تستخدمين نص حبه وكم مره ؟؟ مره بالأسبوع كفايه وكل اسبوع نسوي هالحركه |
رد: الثوم للببغاء ؟؟
:) الله يعينج على ريحته :)
جربي و اذا نفع يمكن اسوي بس قوليلي اذا بتكون الريحه قويه و لا خفيفه ماحب الثوم بالمره ... |
رد: الثوم للببغاء ؟؟
اقتباس:
انا اكره نفسي اذا جيت احط عند الببغاء حقي :( بس شنسوي نبي المصلحه لهم :) |
رد: الثوم للببغاء ؟؟
السلام عليكم اخواني فكرة جيدة لاكن للطير الكبير شوي عمره سنة كيف نعطيه مع الحبوب ولا كيف ههههه وبالنسبة للثوم ؟؟ الاكل بدون البصل والثوم ماينفع ههههه تقبل مروووري بدووون مخالفات ;) |
رد: الثوم للببغاء ؟؟
اقتباس:
الطير الكبير نفس الطريقه بس لكن يختلف شوي تاخذ لك فص او فصين ثوم وتسوي نفس الطريقه وتحطه بالماء لكن لازم تكون رافع الماء قبل على الاقل ساعه واذا شرب واكتفى غيره بمويه جديده |
رد: الثوم للببغاء ؟؟
اقتباس:
والله عندها خبره من دجاجاتها والحين صارت تدلع سويد ( ببغائي ) أكثر مني << صرت اغار منه :D كفييت ووفييت والله وجاوبتني على كل اللي اريده جزاااك الله كل خييييييير وجعله في ميزان حسناتك :) |
رد: الثوم للببغاء ؟؟
اقتباس:
اكيد الريحه حلوه اقصد قويه ههههههه بس تحملي علشان خاطر فروخج الملووك :D تحملتي كل شي علشانهم ما تقدرين تتحملين الثوم :D انا بجربه اليوم والا باجر وبخبرج :D |
رد: الثوم للببغاء ؟؟
اقتباس:
تسلم على مرورك الطيب وتوكل على الله مافي مخالفات :D |
رد: الثوم للببغاء ؟؟
سويييت له من شوي فص ثوم كامل ويالله يالله طلعت لي قطرتيين :D
وقطرت عليه شوية ماي واخذته بالابره طلع لي نص مل تقريبا واعطيته ايااه بعد الاكل بدقايق لكنه كل ما اقطر له يهز راسه ووتتطاير قطرات الماي منه ما اعرف هو شرب شي منه والا لا ههههههه اصلا هو يشرب الماي العادي بالغصب هههههههه جزااكم الله خييير :) |
| جميع الأوقات بتوقيت GMT +3. الساعة الآن 02:57 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو