|
خبـــراء الكـــاسكو ((ثواني من وقتكم.....
السلام عليكم
اخواني الكرام..... انا اسكن في منطقة يكثر بهــا الـــنـــآمس((البعوض)):( وامتلك كاسكو عمره سنة وشهرين... ولاحظت انه يهز راسه اكثر من مرة متتالية(وهـ الشي جديد )) وانا خوفي ان جاته لسعة نامس والسؤال هنا... مــالعمل لتجنب عوارض النـــامس((ادوية +اكل)) الرجاء الرد مشكورين غير مجبرين في امان الله |
رد: خبـــراء الكـــاسكو ((ثواني من وقتكم.....
اقتباس:
مرحباً بك عزيزي الحل في نظري عليك اولاً بتجهيز غرفة خاصة للطير إذا كان المكان والجو مملوء بالبعوض فمن رأيي تستخدم مبيد حشري وطبعاً وقت الإستخدام عليك بإبعاد الطير بعيداً ومن ثم رش المبيد بكامل الغرفة والتخلص وطرد هذا البعوض والحشرات http://img186.imageshack.us/img186/9...ilaa160cb9.jpg وتستطيع ترويش الطير كل بين فترة وخاصة في الأجواء الحاره وإلا ستتطفل هذه الحشرات والبعوض في جسم الطير وتسبب له مضايقات طول الوقت وبعدها ربك يستر بعد الحك العنيف والمضايقة المستمرة يصل لمرحلة نتف الريش وهذه مرحلة (نفسية) ويعصب علاجها فتدارك الأمر قبل تراكم الشيئ :cool: تحية لك |
رد: خبـــراء الكـــاسكو ((ثواني من وقتكم.....
مبروووووك عليك الطير
ويتربى في عزك انشالله ملاحظه / انا يوم بعت الطير لك ماكان يهز راسه :( بالطريقه ذي يمكن عندكم ناموس كثييير تقبل مروري,, |
رد: خبـــراء الكـــاسكو ((ثواني من وقتكم.....
يعطيكم العافية اخواني لكن كيف اروشه؟؟؟
وبالنسبة للمبيد ماظنتي بسويها |
رد: خبـــراء الكـــاسكو ((ثواني من وقتكم.....
اخوي لاتخلي الطير ينام في خارج المنزل او في مكان يكثر فيه الناموس ....او انك تغطيه بقطعة قماش خفيفه
بالنسبه للترويش بالبخاخ حق المويه مره وحده في الاسبوع فقط وتروشه في الظهر افضل وقت للترويش وبالتوفيق.. |
رد: خبـــراء الكـــاسكو ((ثواني من وقتكم.....
يعطيك العافية ابو سفر
|
رد: خبـــراء الكـــاسكو ((ثواني من وقتكم.....
اخوي في مضادات للحشرات كثيره .. في منها يدوي وفي منها يشتغل عالكهرباء لمدة 24 ساعه واكثر .. ويفضل انك تستخدمها لإبعاد الباعوض عن الكاسكو ...
واهو طبيعي بيهز راسه لأن شي غير جاي عليه فيوخر عنه .. جرب حط بخور صوبه شوفه شلون بيوخر ويهز راسه لأن شي غريب له ومستغرب منه ... واشتر من الصيدليات البيطريه حبوب فيتامينات وفي سائل ينخلط بماء الشرب للكاسكو اشتره حقه .. ونوع للكاسكو بالاكل ولا تكثر من الحب الشمسي (يسمونه جنه درة الشمس مادري درة الحب) ... لأن في نسبة دهون كثيره واكل الكاسكو الطبيعي اهو الفواكه والخضروات .. :) واذا كان الطير صغير يعني عمره بالاشهر لا تروشه .. اما اذا كان جريب السنه واكثر .. اول شي شوف لك مكان دافي داخل البيت وان ماكان في مكان دافيء جهز له مكان دافيء انت بنفسك .. وبعدها شيل الماء والاكل اللي داخل القفص واللوحه اللي تكون مالت تنظيف القفص شيلها بعد .. وبعدين بطل الدش وخل الماء دافيء وسم بالرحمن ورش عليه الماء عن طريق الدش أو المرش .. وفي طريقه ثانيه اذا تعرف الكبس اللي نستخدمه للمكواة لكوي الملابس .. حط داخله ماي دافيء يكون ورشه عليه لين الكاسكو ينترس كله ماء وبعدها على طول خله بالمكان الدافيء لين ينشف وبس.. :)) وعسى الله يهنيك فيه ويعطيه الصحه ويحميه لك من الامراض والمشاكل :)) .. واسف على الاطاله .. |
رد: خبـــراء الكـــاسكو ((ثواني من وقتكم.....
أولا مبروك عليك الطير
أما بالنسبة للناموس على الأقل جيب له ناموسية أو على حسب ما تسمونها عندكم المهم انها قطعة قماش شفافة تمنع دخول الناموس, يحطوها للأطفال. غطي قفص الببغاء بالناموسية بشرط انك ترفعها بعصا أو بأي وسيلة عشان ما يقطعها الببغاء من داخل القفص. وعلى فكرة فيه نبته بس ماني متأكد ايش نوعها, تعمل على طرد الناموس, وإذا ما خانتني الذاكرة فهي نبته الدبّاء أو الدبّى, تاخذ ورقها وتخلييه في الغرفة اللي الببغاء فيها, وهي نفسها النبته اللي حمت جسم ذي النون عليه السلام بعد ما طلع من بطن الحوت وكان جلده ذايب, وكان فيها مادة طاردة للحشرات. طولتها وهي قصيره ههههههه المهم الفكرة وصلت تحياتي |
رد: خبـــراء الكـــاسكو ((ثواني من وقتكم.....
جزاكم الله خير يا اخواني الاعزاء
|
رد: خبـــراء الكـــاسكو ((ثواني من وقتكم.....
انا اشتريت من الصيدلية جهاز يشتغل عـ الكهرب وهو يصدر رائحة تقتل البعوض اسم المنتج((ars)) انا قلت ابخليها تشتغل يوم كامل .((طبعا الطير بيكون في محل ثاني...واليوم اللي بعده اجيب الطير
طريقتي صحيحة ولا؟؟؟؟ |
| جميع الأوقات بتوقيت GMT +3. الساعة الآن 06:28 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو