منتديات تو زوو - كوكاتو مخرب

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - كوكاتو مخرب (http://www.2zoo.com/vb/showthread.php?t=95294)

كوكاتو مخرب

السلام عليكم ورحمة الله

ياعالم اشتريت كوكاتو وانا طبعا ضد دخول الطير القفص .. بس وش هالطير !!!! ماخلى شي ماخربه ..

الاسلاك يقطعها ..
الريموت خرب ازراره ..
قماش الكنب شققه ..
المناديل و الاوراق ينتفها ..
اخواني الكبار يهاجمهم ..
الشغالة مايواطنها ..
يركض وراهم ويعضضهم ..

مع العلم ان جناحه غير مقصوص ..
ياناس ساعدوني وش اسوي فيه .. ولمن احبسه بالقفص ينهبل ..
حاطة له لعبة خشبية داخل القفص وماقصر فيها .. مكسر منها شوي
تخيلوا حتى الستاند الخشبي مخربه ..

ساعدوني الله يرضى عليكم ..
الاكل اكثر شي يحبه الخبز والرز ..
اعطيه عظم دجاجه علشان يفرغ طاقته بالعض فيه ..

وش الحل كيف اخليه يتخلص من هالعادة القبيحة ..

رد: كوكاتو مخرب

مايحب الا أمي و أخوي الصغير و أنا ..

رد: كوكاتو مخرب

:) الله يجنن مسولكم اكشن فالبيت :)
ههههههه حلوه يلحقهم و يعضهم بالعب معاه كرورك :) بـــــــلــــــــــــيييييييييز حطي صورته ابا اشوفه
لو انتي من الامارات كان خذته منك بس عشانه مقلوووووووووووع

الاستاند خذي البلاستيك ولا الحديد عشان مايأكله و يوم بيخرب (واقعيه)=نازعيه :)
بصوت عالي و حطيه فالقفص شوي بعدين طلعيه عشان يعرف انه غلطااااااااان و مايكرر الغلط..

رد: كوكاتو مخرب

والله حلو اذا صار ما غير طردي با البيت >>> ابيلي واحد علشان اهدد اخواني :D

اذا بغيت تبيعه قلي

بس انا اتوقع اذا بغيت تخليه يركد صك عليه با القفص

رد: كوكاتو مخرب

من خلال خبرتي بالكوكاتو الي جالس يسويه قليل من كثير راح تشوفونه من ها الطير وأنا عندي واحد مجنني

دايماً اشترليه قفص جديد ..الخشب الي على الستاند مايكمل معاه أسبوعين صرت افصل خشب كميات وأحطه

عندي والريموت عادي كل يوم نشتري جديد بس وش أسوي أحبه وماأقدر أستغني عنه وأرحمه لأنه هذي طبيعه

بالفطرة عنده..

...................................والحل....................اذا كان في القفص حاولي تشغلينة دايماً خلي أكله وسط

كراتين صغيرة خليه يتعب لين يوصل للاكل ويشغل نفسه بعض الوقت..

وأنا حطيت قدام قفصه مجموعة كناري وطيور بادجي من أزعج أنواع الطيور عندي يشغلونه طول الوقت

بس لاتحطين أي نوع من الببغاوات وخصوصاً الكاسكو أو الامزوني لأنه عدائي أتجاههم..

وبالنسبة للالعاب لاتشترين الاالقوي جداً منها مع أن الكوكاتو الي عندي مالقيت شي مايقواه كل العابه

كسرها وقطعها..

وأذا قام يصارخ فهو يبي أحد يطلعه من القفص ويلعب معاه أذا لذالك أذا صارخ حطيه بغرفة ظلمة لمدة 15 دقيقة

وكرري هذي العمليه معاه لمدة اسبوع او اثنين حتى يعرف ان الصراخ مامنه فايده..

وبالنسبة لملاحقكم في البيت هذا لعب عندة بس لاتهربون منه لانه بيصير يكررها كثير أنا الي عندي لاشاف

الشغاله يلاحقها ماأدري ليش مع أنو هي الي تنظف قفصه وتعطية الاكل في سفري بس لما طلبت منها ماتهرب

منه وتزجره صار يتأدب وأذا زودها حطوه في غرفة العقاب الغرفة الظلمة لين يعرف انو أذا أخطاء راح يعاقب ...

وبعدين أهو راح يستعدل شهرين ثلاثة وبعدين يرجع لطبعه القديم كرري العقاب ومن أول مرة راح يعقل..

رد: كوكاتو مخرب

مشكورين اخواني على رودكم ،،
اختي لوتيه أتمنى الصراحة تجربين تشترين كوكاتو ..بس بشرط مايكون عندك ببغاوات ثانية .. لاني بصراحة اعتبر الكوكاتو ببغا حنون ودلوع حق بنات .. الي عندي عاجبني مره بس مشكلته مخرب وفعلا مثل ماقال الاخ الي رد بعدك العقاب يفيد معه بس كم يوم وترجع حليمة لعادتها القديمة ..بنزل لكم صوره قريب ان شالله ..بالنسبة للستاند البلاستيك كسره على طول .

الخبراء
هو يدخل قفصه بالقوة .. الله يعين عليه بس ..

كاجو
كلامك جميل جداً وردك عملي ومفيد .. فعلا جربت الحبس وهجد شوي ..