وعليكم السلام ورحمة الله وبركاته ...

لا تخاف اخوي محد راح يطنش لك ..

وبخصوص المرض .. هذا انا بعد صاد طيوري وخسرت بعض احسن الطيور من عندي وذلك بسبب تأخري واهمالي من ناحية احضار العلاج .. (( ونصيحة لي لا تتأخر لان المرض معدي وراح ينتقل لباقي الطيور ويصيبهم بالضعف ثم الموت ))

الاسهال هذا اللي عندك مرض خطير يصاب به اغلب الطيووور .. من الحمام والدجاج والعصافير .. واسم المرض Salmonella typhimurium .. وبالعربي انسميه السالمونيلا ..

ومن عوارضه .. اسهال شديد وضعف بالطير " نقص الوزن" + التهاب الرقبة + التهاب المفاصل مما يسبب الشلل + المــــــــــوت ...


المهم العلاج ..

اول شي اتروح لأقرب بيطري وتاخذ منه هذا الدواء

http://www.globalpigeon.com/Pantrim.jpg

وطريقة استعماله بسيطة بحيث يكون مسحوق بودر يذاب بالماء ..

والحين اهم النقاط للسيطرة على المرض وعدم انتقاله لباقي الطيور ..

اولا يعزل الطير المصاب .. وتعطيه الدواء والاكل .. وبنفس الوقت تعطي باقي الطيور بالقفص لاحتمالية اصابتهم بالمرض ..
وثانيا يطهر وينظف المكان والاقفاص بشكل جيد ..
وثالثا بعد اسبوعين او ثلاث اسابيع للطير المصاب تقدر اترجعه للقفص مع تعويضه بالفيتامينات والاملاح الضرورية ....



واذا عندك اي سؤال ثاني لا تتردد اخوي .. وللمرة الثانية لا تهمل الطيور لان المرض ينتشر بسرعه .. واستعجل على جلب الدواء لهم ..



بالتوفيق .. (( علما ان الموضوع من عندي لان قبل فترة اصابني نفس المرض ))

المشاركة الأصلية كتبت بواسطة inhappy (المشاركة 788090) انا سوف اعطيك الجدول الخاص بتغدية طيوري في الصباح قطعة خبز مبللة و القليل من الحبوب بعد الزوال القليل من الفواكه و الخضر مثل الخس و الجزر و الجرجير... و بعد ساعتين اقدم لهم خلطة البيض المساء ارجع لهم الحبوب حتى الصباح