منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   الي مرت قطوته بتجربة حمل .. يتفضل .. !! (http://www.2zoo.com/vb/showthread.php?t=91767)

nobody-know-me 27-02-2009 04:46 PM
الي مرت قطوته بتجربة حمل .. يتفضل .. !!
 
مرحبا ..

اول شي ابشركم ان شيري صارت احسن و الحمدلله ..

و شعرها رجع يطلع مره ثانيه و صحتها عال العال ..

و اليوم هو اليوم الــ 32 بالنسبه لحملها ..

عندي سؤال و يمكن هو مشكله ، مش عارف صراحه ..

من حملت شيري الى اليوم تقريبا وسخت - و انتو بكرامه - عالارض اكثر من 4 مرات ..

يعني مش بالرمل حقها ، اوقات قريب منه و اوقات بعيد عنه اشوي و اوقات بالرمل ..

الزين بالموضوع انه مش اسهال و هالشي ريحني اشوي مدري ليش ..

المهم كلمت الدكتور البيطري و قلت له الموضوع كذا و كذا ، شسالفه ؟؟

قال لي :

(( عادي و كل شي طبيعي ..

بما انو هي حامل بطنها بيوجعها شوي .. و لما تبي تروح حمامها توسخ كمان يوجعها شوي ..

ف تختلط عليها الدعوه و بالاخص انو هي اول مره تحمل ..

ف ماتعرف هي تبي تروح الحمام و الا هذا وجع الحمل .. ف ماتشوف حالها الا وسخت عالارض .. ))

ف سؤالي لكم ، شرايكم بكلامه ؟؟ و انتو مريتوا بهالشي مع قطاوتكم قبل و الا ؟؟

nobody-know-me 28-02-2009 01:10 AM
رد: الي مرت قطوته بتجربة حمل .. يتفضل .. !!
 



معقوووووله ولا حد حملت قطوته !!!! :confused:

اوكي .. نستنى كبار المنتدى يردوا ..

cool boy 28-02-2009 01:54 AM
رد: الي مرت قطوته بتجربة حمل .. يتفضل .. !!
 
هههههههههههههههههههـ ..

انا اتذكر قطووتي حملت ما سووت كيذا ..

فااا ما ادري .. منيب والله خبيرر مرره ..

ولا تشيل هم ..

ان شاء الله كل شي بيصير بخير .. ^^

*(الدلوعه)* 28-02-2009 03:32 AM
رد: الي مرت قطوته بتجربة حمل .. يتفضل .. !!
 
أنآآ قد جربت هالمرحلهـ والحمد للهـ بستي مآآ سووت هالشي

ويمكن كلآآآمهـ صح ليش لآآآ ^_^

توولد بالسلآآآمهـ =) .

sisi_moon 28-02-2009 11:41 AM
رد: الي مرت قطوته بتجربة حمل .. يتفضل .. !!
 
مي تو قطوتي حملت وماجتها هالحاله ..

ممكن كلام البيطري يكون صحيــح .

وانتظر يمكن احد مر بالهشي ويفيدك أكثر ^^

آنـــــو 28-02-2009 05:14 PM
رد: الي مرت قطوته بتجربة حمل .. يتفضل .. !!
 
ولله أول مره أسمع بهالشي ولا حتى مر على مع آن ولدت عندي قطط كثيررر ..

ويمكن كلام البيطري صح مثلاً تحس بتقلصات وكذا وأختلط عليها الموضوع

أو يمكن شي نفسي برضو تحس بتوتر بسبب أن أول حمل فـ تعملها بأي مكان ..

والحمدلله دام مامعها أسهال وتاكل وتشرب وتتحرك طبيعي ،، وبس

والله يحفظها لك ويسهل عليها ..

بحريني رومنسي 28-02-2009 06:57 PM
رد: الي مرت قطوته بتجربة حمل .. يتفضل .. !!
 
بسكت يمكن صاارت ثقيله و الحمام مالها صاار عليه بعيد فـ ماتقدر توصل لهناك فـ تسويها بعيد عن الحمام مالها!!
و هذي شغله عاادي!!
وتحياتي العنيفه لكم سلملمـــــــــــــــ،،،

nobody-know-me 02-03-2009 07:19 AM
رد: الي مرت قطوته بتجربة حمل .. يتفضل .. !!
 

مشكورين كلكم عالردود و ماقصرتوا و الله ..

و يمكن كلامه صحيح و السالفه تقلصات بالبطن ..

و يمكن تكون شغله نفسيه عشان اول حمل لها ..

بس الاكيد انو مش اسهال و بالنسبه للبوكس قريب منها مش بعيد ..

أم صوفي 02-03-2009 03:53 PM
رد: الي مرت قطوته بتجربة حمل .. يتفضل .. !!
 
أنا صوفي كذا

تروح لم صندوق الرمل وتسوي لمه

كذا مره ... واتوقع لأنها تكون ثقيله


جميع الأوقات بتوقيت GMT +3. الساعة الآن 07:14 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو