|
كم سؤال خفيفة
السلام عليكم
طبعا انا شريت قطو ===> وعندي كم سؤال اللي هو 1_ الاستحمام بالنسبة لها كل عشرة ايام مناسب صح 2_ ماهي افضل الالعاب لها 3_ انا شريت لها مكان نوم يعني ففص حق قطاووه نصحني فيه الصيدلي بس يأخواني القطوه ماتقعد فيه تروح ورى الثلاجة وتنام 4_ انا ما احط لها ماء مشتري لها حليب نان حق الاطفال بودرة واحط لها ومستانسه عليه ==> يعني مو لازم مويه وآحس انها راعية مزاج ==> يعني كيف يعني مره تجي وتجلس في حضني وما تبي تقوم وبس تبي تلعب ومره لاء انادي فيها واحاول فيها تجي ماتجي تتوقعون طبيعي الظاهر اني طولت عليكم وشكرا |
رد: كم سؤال خفيفة
1- اي مناسب بس انا عن نفسي اسبحه مره بالشهر او كل ماحسيت انه وصخ يعني مافي مده معينه
2- الخيوط والكور وفي العاب مثل الفأر الي الكهربائي الي يتحرك بسرعه القطط تحبه وايد 3- القطط ماتحب تنحبس بالذات اذا نامت!! لأنها تنام ساعه بمكان بعدين تغير مكانها وتنام ساعه اخرى واهي تحب الاماكن القطنيه والدافيه ماتحب الاراضي الصلبه 4- الماء ضروري القطط لانها تشرب وايد بالذات في فصل الصيف واهو اهم من الحليب وانا مانصح بالحليب لانه لمه تكبر القطه يبدا يطيح شعرها ويسببلها اسهال 5- القطط مزاجيه جدا وماتحب انك تغصبها اهي من نفسها راح تجي تنام عندك واي شي تبي حاضرين:) |
رد: كم سؤال خفيفة
1_ الاستحمام بالنسبة لها كل عشرة ايام مناسب صح مناسب وايد اهو عموما" بالاسبوعين مرهـ :d 2_ ماهي افضل الالعاب لها كور ورق من اي دفتر عندك بالبيت واحذفهم خيط شوي متين ليزر " ضوء " يحبونه حيل القطاوه :d 3_ انا شريت لها مكان نوم يعني ففص حق قطاووه نصحني فيه الصيدلي بس يأخواني القطوه ماتقعد فيه تروح ورى الثلاجة وتنام اي توها يديده خايفهـ اتبع معاي هالخطوات وان شاء الله تتعود عليكـ 1- نادها باسمها اليديد 2-امسح على جسمها 3-وكلها 4-احملها وتمشا فيها بالبيت خل تتعرف عالبيت 5-نادها بصوت حنون " عالعموم البيت مالها احس ماله اي داعي لانه باجر رح تشوفها شيطانه مستحيل تقعد فيه " 4_ انا ما احط لها ماء مشتري لها حليب نان حق الاطفال بودرة واحط لها ومستانسه عليه ==> يعني مو لازم مويه اخوي الماء ضروي على مدار 24 ساعه باليوم ! الحليب موكافي لها اكيد لازم تشرب ماي !! وآحس انها راعية مزاج ==> يعني كيف يعني مره تجي وتجلس في حضني وما تبي تقوم وبس تبي تلعب ومره لاء انادي فيها واحاول فيها تجي ماتجي تتوقعون طبيعي لاطبيعي اخوي لاتحاتيـ لما اتيي لك تكون تعبت او خايفهـ او تبي تاكل |
رد: كم سؤال خفيفة
ماااااااااشاء الله
هذ منتدى الاحلام اللي كنت اتحلم فيه صراحة كانت اجابات اكثر من رائعة ومشكورين فطوم والقطو وصراحة انا ما اقدر اقول الا الله يوفقكم ومشكورين على الاجابات والله يخليكم |
رد: كم سؤال خفيفة
والله ما قصرو الاخوان كفوا ووفوا.....
ماعندي اي شي جديد.... ممكن نشوف صورها....:o |
رد: كم سؤال خفيفة
1 مرفق
اهلا مجنونه ===> اسم قوي :D
والله طلعوا كم سؤال براسي جدد===> ماراح نخلص :rolleyes: اللي هو يا ا اعزائي انا اشتريت لكيتي طوق حق رقبه بس انها ماتحبه يعني كيف كل ما احطه تفكه وش الحل هل لازم البسها او مو لازم :( والسؤال الثاني اللي هو وشلون اعرف ان قطتي خلاص صارت وليفه معي لأن صرت في حيرة وكم المدة اللي تتعود عليك القطه فيها :confused: بالنسبة للصورة تراها في المرفقات |
رد: كم سؤال خفيفة
السلام عليكم أخوي
بالنسبة حق الطوق آنه مثلك عديته مو ضروري بس لما قمت أمشي وأرفسه بوجهه وللا بطنه في الظلمة ( قطي رمادي ) أو يفاجئني من الخلف مرة وحدة وآنه قاعدة أطبخ وأرشه بالماي من الخوف... قلت لاااااااااه ...يبيله... طوق بجرس....! شلون تلبسها إياه... حاول تدللها وتغنجها حك تحت أذنها من صوب اليمين أو اليسار وحاول تمسح عليها بنعومة وتحرك أصابعك أو تحك رقبتها من ورا بأظافرك شوي شوي.. ولما تعطيك ظهرها علشان تكمل .. حاول تنزل بأظافرك من تحت أذنها ليتحت فكها و( خلك ماسك الطوق باليد الثانية ) وتلقى الطوق من يد لليد الثانية من تحت فكها من غير ما تحس وبعدين سكره من فوق الرقبة .. ونادها باسمها بلحن معين علشان تتعود على اسمها وعلى صوتك. وحاول تاخذ طوق على مقاس رقبتها علشان مهما تسوي ما يطلع من راسها.. اذا حاولت تلبسها الطوق بالغصب أولا راح تعافر ويمكن تشمخك و تعضك... ثانيا راح تخاف تقرب يمك مرة ثانية... ثالثا إذا لبستها الطوق راح تكون نفسيا مو مرتاحة وتلاقيها بس تحك الطوق علشان تطلعه..:( فليش الغصب ؟؟ باللين والهداوة كلشي حلو..;) بالنسبة حق انها تتعود عليك.. كل ما حطيتلها أكل دللها وامسح على جسمها وانت يم الصحن.. أو حاول توكلها بايدك ترى راح تلحقك كل مكان.. حتى اذا كنت بغرفتك واهي برة راح تلاقيها عند الباب نايمة تنطرك .. وعلى العموم القطط بسرعة تصادق صاحبها وتتعود عليه.. والأفضل انك لما تنام بالغرفة تدخلها معاك وتكون فرشت لها بطانية سميكة من القطن على الأرض وترد باب الغرفة ( ما تسكره.. بس ترده ) علشان ليبغت تطلع بالليل للحمام عزك الله .. أو بغت ماي ترى حتى القطط تعطش عقب النوم. جذيه راح تلاقيها بالبداية تماوي طول الليل علشان انت تقوم.. وبعدين يمكن تصعد على السرير وتشم وجهك أو تدزك بايدها.. بعدين اذا كنت صاحي قاعد بالصالة تجي تنط يمك وتلصق فيك علشان تدللها.. أدري طولت عليك بس لازم أقول تجربتي وأفيد..:p |
رد: كم سؤال خفيفة
تمت الاجابه على اسئلتك الثانيه اخوي بموضوعك الثانيـ .
ودومنيك فعلا" هذي اهي الخطوات الي يتعود فيها القط على صاحبه ويلحقه بكل مكان :d بس زياده حاول تلعبه عن طريق تكوير ورق - ليت ليزر - خيوط |
رد: كم سؤال خفيفة
قطو كويتي أشوفه معلق عالكور الورقية والليزر والخيوط بكل موضوع...:d
هههههههه...أمزح معك أخوي حتى انا ماألعب قطاوتي إلا بالخيوط والورق بس...:) وتحياتي للجميع...وتجربتك مفيده كثير دومينيك;) ان شاء الله راح اجربها لما يصير عندي قطو كويتي صغير.... :d عشان الكبار اللي عندي مايحبون امسح عليهم وقت الأكل بالمرررررررررررة...:( تحياتي للجميع.. |
رد: كم سؤال خفيفة
بس انا اخاف الليزر مضل لقطط او عيونها؟
|
| جميع الأوقات بتوقيت GMT +3. الساعة الآن 03:25 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو