|
كل اللي عندهم قطط يدخلون ضروري
السلام عليكم
اخباركم ؟؟ انا قررت اشتري لي قطوة بس قبل مااشتريها بسألكم اسئلة السؤال الاول والاهم (( القطوة تعض )) ؟؟ 2-- وش احسن اربي انثى والا ذكر ؟؟ 3-- التعامل معها صعب ؟؟ 4-- مع مرور الزمن امل منها ؟؟ 5-- كم يتراوح اسعارها وايش احسن نوعية ((شيرازية ,تركية ........))؟؟ 6-- والسؤال المهم هل قطة المنازل تصارخ مثل حقت الشوارع وتطلع اصوات مخيفه ؟؟ وشكرا |
رد: كل اللي عندهم قطط يدخلون ضروري
السؤال الاول والاهم (( القطوة تعض )) ؟؟
على حسب القطه وتقدرين تدربينها على انها ماتعض هذا لو كانت تعض 2-- وش احسن اربي انثى والا ذكر ؟؟ انثى 3-- التعامل معها صعب ؟؟ لا مو صعب 4-- مع مرور الزمن امل منها ؟؟ يمكن تملين من التنظيف وهالاشياء خخخخخخ 5-- كم يتراوح اسعارها وايش احسن نوعية ((شيرازية ,تركية ........))؟؟ اسعارها تتدرج على حسب النوع كل ما كان احسن صار السعر اغلى واحسن نوعيه بالنسبه لي الشيرازي 6-- والسؤال المهم هل قطة المنازل تصارخ مثل حقت الشوارع وتطلع اصوات مخيفه ؟؟ لا ما تصارخ بس يمكن في مرحلة الشبق اللي هي اذا طلبت القطه التزواج تطلع اصوات لكن مو مخيفه عاديه ان شاء الله تلقين البسه اللي في بالك وتستمتعين بالتجربه :) |
رد: كل اللي عندهم قطط يدخلون ضروري
شكرا وعندي سؤال بعد -__-
وحدة قالتي ان القطوة تاكل الببغاء صح ولالا ؟؟ |
رد: كل اللي عندهم قطط يدخلون ضروري
السؤال الاول والاهم (( القطوة تعض )) ؟؟
على حسب بس تقدرين تعودينها ع أنها ماتعض -- وش احسن اربي انثى والا ذكر ؟؟ انثى 3-- التعامل معها صعب ؟؟ لا 4-- مع مرور الزمن امل منها ؟؟ ع حسب إذا كنت تحبينها كثيير ما أتوقع تملين بس ممكن تملين من التنظيف والترويش..... 5-- كم يتراوح اسعارها وايش احسن نوعية ((شيرازية ,تركية ........))؟؟ بالنسبه لي أفضل النوع الهملايا و الشيرازي بس ممكن الشيرازي يجيك بعض الأحيان مرره كسول وخمول وإذا كنت تبغين قطو لعوب فأقول السيامي لأنه مره لعوب بس فيه عيب واحد شكله مو مره حلو وعن الأسعار على حسب النوع و العمر 6-- والسؤال المهم هل قطة المنازل تصارخ مثل حقت الشوارع وتطلع اصوات مخيفه ؟؟ لا ماتصارخ بس يمكن في مرحلة الشبق في موسم التزاوج أتمنى أكون أفدتك وأي استفسار أرسلي لي ع الخاص |
رد: كل اللي عندهم قطط يدخلون ضروري
والله عاد السؤال الأخير ماأدري ماقد ربيت ببغاء
|
رد: كل اللي عندهم قطط يدخلون ضروري
السلام عليكم
اخباركم ؟؟ انا قررت اشتري لي قطوة بس قبل مااشتريها بسألكم اسئلة السؤال الاول والاهم (( القطوة تعض )) ؟؟ لا 2-- وش احسن اربي انثى والا ذكر ؟؟ أحسن حل الاثنين 3-- التعامل معها صعب ؟؟ لازم تكون متعودة 4-- مع مرور الزمن امل منها ؟؟ يمكن بسب التربية 5-- كم يتراوح اسعارها وايش احسن نوعية ((شيرازية ,تركية ........))؟؟ بنسبة لسعر يختلف على حسب النوع أحسن نوع المفضل لدي هو البلدي 6-- والسؤال المهم هل قطة المنازل تصارخ مثل حقت الشوارع وتطلع اصوات مخيفه ؟؟ لا وحدة قالتي ان القطوة تاكل الببغاء صح ولالا ؟؟ نعم الا لو كانت عايشة في البيت معك وملاحظة أرجو نقل هذا أسئلة الى قسم سوال وجواب:) |
رد: كل اللي عندهم قطط يدخلون ضروري
السلام عليكم
وعليكم السلام ورحمة الله وبركاتهـ اخباركم ؟؟ بخير جعلك بخير انا قررت اشتري لي قطوة بس قبل مااشتريها بسألكم اسئلة مبرووكـ :D السؤال الاول والاهم (( القطوة تعض )) ؟؟ لا طبعاً بس حقات الشوارعـ وبعض الاحيان القطط على مزاجها وبعض الاحيان القطط تصير فغشه شوي يعني تعضك تحسبه لعبهـ 2-- وش احسن اربي انثى والا ذكر ؟؟ الانثى تصير تعوي اذا جت فترت التزاوج والذكر يصير يتبول في كل مكان عاد على حسب رغبتك 3-- التعامل معها صعب ؟؟ لا طبعاً سهل 4-- مع مرور الزمن امل منها ؟؟ على حسب حبك للحيوان اذا تحبين القطط مستحيل تملين منها 5-- كم يتراوح اسعارها وايش احسن نوعية ((شيرازية ,تركية ........))؟؟ على حسب مدينه عن مدينه تختلف ومنطقه عن منطقه تختلف ومحل عن محل يختلف واحسن نوع انا انصحك بالشيرازي مون فيس حلو شكله بس كسول والتركي الانغوري نشيط ولعوب بس شكله يعني مو مثل الشيرازي وفيه السيامي هذا ممتاز للمبتداين ونشيط 6-- والسؤال المهم هل قطة المنازل تصارخ مثل حقت الشوارع وتطلع اصوات مخيفه ؟؟ لا اذا اهتميتي فيها ماتعوي كثير وحدة قالتلي ان القطوة تاكل الببغاء صح ولالا ؟؟ لا غلط كلامها وشكرا العفو و جبنا وان شاء الله اكون افدتكك بشي تحياتي الاسد الملك |
رد: كل اللي عندهم قطط يدخلون ضروري
ج : إذا هي مربية ( حقت بيت ) ما تعض بس حقت الشوارع أكثرها تعض ..
ج : أنا عندي أنك تربيي زووج أفضل بس إذا تبغى ذكر ولا أنث أنا أقول أنث علشان تستفيد منها .. ج : لا بالعكس .. ج : لا إن شاء الله ما تعمل :D .. ج : بـ 1500 ريال .. أنا بالنسبة لي الهملايا ، الشيرازي >> الهملايا أغلى شي وأفضلها لأنها ما تحصلها مثل الشيرازي والأمريكي و .... ج : ههههههههه يا خواف :p .. لالا ما تطلع إلى بحالات مثلاً جت قطوة من برا ودخلت البيت أكيد بيطاقون ;) .. |
رد: كل اللي عندهم قطط يدخلون ضروري
1 - القطط بطبيعتها تعض .. خصوصا الصغار أكثر .. لان تكون عندهم طاقه كبيره فـ يفرغونها باللعب والعض .. وأيضا لان الصغاار يسننوون .. بس ااذا انتي من البدايه منعتيها من هالشي .. يعني تنهينها اذا جت تعض .. لا بيخف العض عندها كثير ..
2 - الاثنين حلويين .. انتي شوفي نفسج وغرضج من التربيه .. اذا تجاره الافضل تشترين زوج او انثى .. اما اذا تربيه خذي ذكر مخصي .. واذا ماتبين تخصينه .. اوكي بس كل شوي جيبي له انثى يتزاوج وياها .. 3 - لا بالعكس القطط طيبه وحبووبه .. ممكن في البدايه تصير شرسه او شي لانها مو متعوده عالبيت لكن كلها كمن يوم وتتعود عليج وتصير تهبل ^^ 4 - اذا حبيتيها مراح تملين لو شنو يصير .. حتى لو ماحبيتيها مراح تملين اذا انتي حاسه بالمسؤوليه اتجاها .. والمفروض تحسين بهالاحساس اتجاها ^^ 5 - كل بايع وسعره .. ومافي افضليه بالانواع كل واحد وذووقه واللي يحب 6 - بعد كل قطوه وطبعها والنوع له دور بعد .. بعض القطط دايما تماوي على طوول .. لكن مو بازعااج .. الازعاج يكون وقت التزاوج غير كذا .. لا المواء يصير طبيعي وحلو .. وانا احب القطط الي تماوي .. احس بوجودهاا اكثرر |
رد: كل اللي عندهم قطط يدخلون ضروري
سألتي وش احسن ذكر ولا انثى ؟؟ هذي عيوبه ومميزاته ( الذكر ) اذا اردت مجرد صديق يشاركك مشاعرك فيشعر بفرحك ويحزن لحزنك يستقبلك بسعادة عند عودتك .. تشعر اتجاهه بمسئوليه فهو يعتمد عليك اعتماد كلى وجزئى فى اكله وشرابه والعناية به بل واعطاءه بعض الدواء حين يمرض بل ستراقب عند بلوغه العام انه سيبدا مرحلة المراهقة عنده وسيبدا فى البحث عن زوجه له وعندما لا يجد سيعتمد عليك انت فى ان تحضرها له وتبحث عنها من احد اقربائك او اصدقائك او من احد معارفك فى احد المنتديات والتى يعلنون عن التزاوج للقطط.. وهنا سيعود اليك بعد رحلة التزاوج مرة ثانية فارشح لك قط ذكر فلن تشعر معه بالكثير من المسئولية ولن يزيد عددكم ولن يصبح هناك دخلاء على اننى انصحك اذا ما طلب قطك الزواج فلا تتجاهل رغباته ويجب ان تزوجه والا اعرب عن رغبته هذه باسلوب وقح وهو التبول والرش على جميع الاثاث والسجاجيد وملاءات الاسرة ولك الاختيار . ************* وهذي عيوب ومميزات الأنثى (مع انها ما عندها عيوب قويه).... واذا اردت صديق شقى وودود ويتدلل عليك ويطلب منك دائما الاهتمام والود والحنان فهى الانثى فمن يفكر فى تربية الانثى يجب ان يعرف ان قطته هذه هى البداية وليست النهاية فسرعان ماستكبر وستبلغ وستطلب الزواج وعندها ستنشغل بالبحث عن عريس لها يكون بمواصفات جميلة وفريدة وهادىء وابن ناس حتى لا يؤذيها وبعدها تبدأ فى التفكير هل حملت؟؟؟ متى ستنجب؟؟؟ وكم ستنجب؟؟ واين ساضعها لتنجب وكيف ارعاها وخصوصا وقت الولادة ؟؟ وكيف سارعى صغارها ؟ كنتما اثنين انت وهى فاصبحتم عائلة كبيرة قد تصل الى خمسة اعضاء جدد وبالتالى يكونون مسئولين منك تماما ولكن لا تخف فوالدتهم ستساعدك فى رعايتهم ستراقب ولادتهم وكيفيه لقمهم لثدى امهم لاول مرة ثم تلاحظ ازدياد حجمهم وتنتظر الوقت الذى سيبدأون فيه فتح عيونهم ورؤية الاشياء لاول مرة والتعرف عليك واعتقادهم انك جزء من عائلتهم وتراقب مراحل نموهم وبدايه حبوهم ثم اولى خطواتهم ثم قفزاتهم وجريهم ورائك فى كل مكان وتدريب امهم لهم فى الاخراج فى المكان المحدد وستضطر ان تتحمل رخامتهم وغلاستهم عندما يقفزون على رجلك ليجلسوا عليها ثم يتزاحمون على من ياخد المكان المفضل عندك .. وتتحمل الا يلبون طلبك بالنزول الا عندما تغضب وتصرخ باعلى صوتك لينظروا اليك بعيون متسعة وبخوف ويجرون ليختبؤا منك اسفل الكراسى والمناضد.. ثم تجلس لتستريح وتشاهد برامجك المفضلة او لتجلس على جهاز الكمبيوتر فلا تشعر الا وانت محاط بهم من جديد وهم يشعرون بالغبطة والسعادة حولك وتدور الدائرو وتصرخ من جديد ليختبئوا من جديد وليحضروا اليك من جديد حتى تشعر ان لا امل فى التخلص منهم فتنصاع لرغباتهم .. وتتركهم بل وتحضر لهم مكان بجانبك ليجلسوا فيه ويراقبوك وانت على الكمبيوتر او التلفزيون او حتى وانت تطهو الطعام فى المطبخ |
| جميع الأوقات بتوقيت GMT +3. الساعة الآن 09:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو