|
ماانجازاتك مع طيرك ؟؟؟؟
اخواني الكرام انا شخصيا من النوع اللي يعشق تبادل الخبرات والافكار لذلك وضعت هالموضوع اقصد منه ان كل واحد يذكر صفات مختصرة عن طيره ثم يذكر الاشياء اللي استطاع انه يدرب طيره عليها ،،،، وطبعا انا ان شاالله ساكون اول من يبدأ طيري ( سيكو ) عمره 6-7 شهور ، أليف خذته وهو يرقى على اليد من البداية فقط انجازاتي مع الطير : الانجاز الاول : حك الراس والجسم - طبعا لما اقله او يقوله اي احد من البيت كلمة (( راسك )) ينزل راسه ويسمح لاي احد انه يحك راسه . الانجاز الثاني :انه بدأ ياكل اشياء غير الحب الشمسي والفول السوداني مثل : الذرة والجزر والقصب والرمان والتفاح وطبعا عظمة الحبار الانجاز الثالث : صار يستوعب معنى كلمة عيب لما يسوى شي غلط مثلا : لما يرمي علبة الاكل من الاستاند بس تقوله عيب يجلس عاقل على طول - بس الهيس يسويها من وراي احيانا :D وطبعا ايضا علمته كلمة شاطر لما ينجز معي في التدريب وانا شغال الان في تدريبه على 1: الكلام طبعا لانه الى الان مايتكلم - هو يجيب نغمة اسمه ( سيكو ) لكنه مايقولها بوضوح 2: السلام بالرجل - يعني لما تقوله السلام عليكم يسلم عليك بالرجل وصلت فيها انه يتقبل الان رفع الرجل - يعني اقدر ارفع رجله وما يتضايق او يعض وبانتظار انجازاتكم واهدافكم مع طيوركم واشكر الجميع على المشاركة مسبقا |
رد: ماانجازاتك مع طيرك ؟؟؟؟
يسرني ان اكون اول من يرد عليك بصراحه موضوع شيق جدا
انا انجازاتي مع ببغائي انه يكره الكل غيري (( ما اعرف انا علمته جي بالغلط :P )) يقول السلام عليكم بريله يرقص لما يبي اغير له الاكل او الماي يركب فوق القفص و يسوي سرك علشان اطلعه من القفص و واايد ^.^ |
رد: ماانجازاتك مع طيرك ؟؟؟؟
انا بختصاار علمت ببغائي الغيني عدة كلمات منها يواااد --ولد ----جمانة--- علمته يبوس ويطلع صوت البوسة--- والحين جالس اعلمه اذا دق الجرس يقول مين
وعلمته كمان يرقص ومشكووور اخوي على الموضوووع |
رد: ماانجازاتك مع طيرك ؟؟؟؟
السلام عليكم
انا انجازاتي مع طيري كثيرة 1. علمته يبوس 2. يعمل حركات بهلوانية عجيبة لما يشوف الاكل. 3.الله يعزكم لما يبي يوسخ ... يروح مباشرة عالقفص ويوسخ ويرجعلي مرة تانية 4. علمته يفتح القفص بروحه ويجيني .. وطبعا ندمت على هاذي الحركة :D 5. ينام في حضني معظم الاوقات ... ويضع راسه على صدري وينام مثل الاطفال تماما 6. يسرق الاكل مني ... ويهرب فيه عالقفص :D 7. يدافع عني ويعض ويصرخ لمن احد يقرب مني او يضع يده علي ويعضه عض قوي جدا 8. لما انادي عليه وهو ياكل يصير يموي مثل القطط :p 9. لما اصفرله .. يرد علي ويبدا يجاوبني ... هههههههه عصافير بنفهم بعض :D 10. لما اغيب عنه فترة يصير يصفر بصوت مشابه لبكاء الطفل الرضيع :p وانا الان في طريقي لتعليمه مد يده للسلام عندما يسمع السلام عليكم |
رد: ماانجازاتك مع طيرك ؟؟؟؟
اخواني paro0ts ابوسفر نور الروح انجازات روعة انا و وغيري استفاد من هالانجازات الحلوة بس فيه ملاحظه ايش سالفة البوسة معاكم :D شكلي بعلم سيكو البوس اما نور الروح طيرك تحفة الله يحفظ لكم كل احبابكم وطيوركم |
رد: ماانجازاتك مع طيرك ؟؟؟؟
يسلمو عالموضوع :)
انجازتاي مع فتون (ذكر الدرة) 1.أليف مع كل الكائنات بستثناء ريشه الا ينتفه P: 2.ياكل كل شي واذا شاف عندي أكل علطول يروح يطق طبق الاكل حقه براسه من تحت ويطلع ازعاج حتى لو عنده أكل توه فريش :P 3.علمته الرقص عدة رقصات يسويها مع زوجته اذا فصلتهم و علمته الرقص برفع الراس وانزاله بسرعه اذا شغلت له موسيقى ! 4.علمته يقول محمد ويقول فتون بالتصفير+ بالكلام ويتقن كلمات أخرى بالصفير غير واضحة 5. كل يوم الساعة 9مساءً وفي الجو الرومانسي خخخ يبدأ يصفر ويتكلم ويصفر بالتدرج والله صوته حلووو جداً بس عيبه انه ينتف ريشه :( 6.نشيط جداً بعادته وعمره 6سنوات واذا مرت بنت جنبه اللي مايستحي يصفر لها وآسف عالمطولة :) |
رد: ماانجازاتك مع طيرك ؟؟؟؟
كل عام و انتم بخير
ذكر دره ترى هو ما كمل الشهرين معي 1- يطلع على اليد و الاصبع ( انا بس من البيت ) 2- كنت ابي اعلمه السلام بس تعلم شي ثاني اللي هو : انه اذا ما يبي يطلع يسلم 3-امسح على جسمه كامل 4- ما حد يستغرب ترى ما صار لي شي شاريه مشكووووور على الموضوع يا المري1 |
رد: ماانجازاتك مع طيرك ؟؟؟؟
اما انا علمتة يسلم ويدورحولين نفسة ويسويلي باي اقولة نزل راسك على طول ينزل علمتة اشيلة وهو مقلوب علمتة اقولة طير على قفصك يطير على طول علمته يفتحلي علبت البيبسي وعلى فكرة هو مصيود مش من المزارع يعني كان متوحش اه علمتة ينبح مثل الكلب والجاي اكثر انشالله كمل معاي 5 اشهر
|
رد: ماانجازاتك مع طيرك ؟؟؟؟
الاخ K-O-S
حلوة سالفة الرقص - ياخوي انتبه على اخلاقه - وبعدين ابعد عن الرقص الشرقي>> تصدق شكلك بتسويها وبتعلمه اخوي عبدالله انجازات حلوة في وقت قصير ومادام الطير ينجز لاتوقف التدريب الاخ EVO46 حلوة يفتح لك علبة البييسي وماشاء الله انجازات حلوة في وقت قصير بالتوفيق للجميع |
رد: ماانجازاتك مع طيرك ؟؟؟؟
فتح علبة البيبسي – شيل الطير و هو مقلوب إنجازات جدا رائعة بالنسبة لطير نور الروح فما شاء الله ما شاء الله تبارك الله ما عليه أي كلام و الله يخليه لك اقتباس:
بطريقة مختصرة من تجربتك مع طيرك و موفقين جميعا إن شاء الله http://www.pusup.com/up/get-12-2008-fdls2x10.gif |
| جميع الأوقات بتوقيت GMT +3. الساعة الآن 07:07 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو