منتديات تو زوو - الغش في بيع الطيور

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - الغش في بيع الطيور (http://www.2zoo.com/vb/showthread.php?t=83677)

الغش في بيع الطيور

تعرفون يا احباب ان رواد محلات الحيوانات والطيور كثروا هالايام

وصار الاقبال على الطيور اكثر من الاول

اكبر مشكلة تواجه المشتري هو اذا كان البائع ماعنده ضمير ويغش المشتري

لذلك ارجو ممن عنده تجربة سلبية مع بائع او يعرف احد عنده تجربة غش مر فيها انه يجعل هالمكان عرض لهالتجارب لان اخواننا الجدد يكتسبوا التوعية المطلوبة قبل الاقدام على شراء اي ببغاء

وانا ابداكم

فيه حيله يستخدمها الباعة الهنود والباكستانيين وهي

قبل مايفتح المحل او قبل مايروح سوق الطيور يربط الكاسكو من ارجوله ويخليه معلق فترة - راسه تحت ورجوله فوق - تقريبا ثلاث ساعات او اكثر

وبعدين يروح يشيل الطير للسوق او يفتح محله ،، طبعا الطير مسكين دايخ ومايدري وين الله حاطه

فلما يشوف الزبون الطير يشوفه هادى وما يجاعر - وطبعا يقول له البائع هذا اليف وما يعض ودخل يدك - فيدخل يده والطير مسكين مافيه حيل حتى للعض هذا اذا كان يشوف اليد اصلا

ويمكن بعد يطلعه على اليد

طبعا الزبون ينبسط ويشتري الطير وبعد يوم يلاقي الطير تغير وصار يعض ويجاعر والمشتري المسكين ما يدري ويش السالفة ويقوم يلوم نفسه ويقول يمكن تغيرت اخلاق الطير بسببي وهو مش فاهم الطبخة

اتمنى من الجميع انه ينتبه من هالحيلة ويبعد قدر مايستطيع عن الباعة الباكستان وما يشتري الا من محلات موثوقه

هذي طريقة في الغش واتمنى منكم المشاركة بطرق اخرى تعرفونها او صارت مع غيركم حتى يستفيد كل من يحب انه يشتري طير جديد

والله يكافينا شر الغش والغشاشين

رد: الغش في بيع الطيور

مشكووووووووووووووووووووووووور يالغالي نعم في طرق كثيره للغش من لا يخاف الله لا يراعي الناس و ضميره ميت همه بس و شلون يكسب في الببغاء

رد: الغش في بيع الطيور

بارك الله فيك يا المري

موضوع مهم جداً وهذا ألي يصير عندنا هذي الأيام
زدادت الرغبة في تربية الطيور ثم أزدادت المحلات ثم أزداد عدد الغشاشين ألا من هديه الله

في بعض الاحيان أذا كان البياع يبيع في مكان غير المحل مثال سوق الخميس أو سوق الطيور
يشوفك اذا كان ماعندك خبره في الطيور يبيع لك الطير على انه صغير في السن وأهو عمرة كبير جداً جداً في السن
على شان كذا يفضل أنك تسوي نفسك فاهم حتى أذا كنت ماتدري وش السالفة ههههههههه

ألف شكر لك يا المري

رد: الغش في بيع الطيور

لا حول ولا قوة الا بالله..
الحمدلله ما عندنا هالسوالف بالبحرين

رد: الغش في بيع الطيور

صحيح الغش منتشر ولاكن لا تظلمو كل الباعه فقد يتغير سلوك الطائر مع تغير المربي... لذالك عند الترويض وبعد التخلص من العض ..

اجعل الطير يتعرف على شخص او شيئ او لعبه جديده يوميا.....

اما لكشف الغش فالموضوع اصعب مما تتخيل

لاتشتري شي الا ان كنت مطلع على معلومات كافيه او رافق احد عندو خبره كويسه.........

لان اساليب الغش يستحيل حصرها

رد: الغش في بيع الطيور

يعطيك العافيه يا خوي على هالموضووع المهم

وصج الغش انتشر بشكل مو طبيعي هاليومييين

عندنه اهني بالكويت اكبر حالتيين غش اهيا

انه ايبونلك طيير مسكيين ماله شغل بالدنيا ويثبغوونه الواان تغري اليهاال هشاان يشتروونه

والمشكلا انه يقول ان هذا لونه الطبيعي

وحاله ثانيه مثل ما تفضلت انه يدوخ الطيير بس احنه هني يدوخوووونه الله يسلمك يا بغااااز مال الولاعه

او انهم يحطوونه بدلاغ(جوارب) وفروونهم جنهم ببنكا فيطلع الطيير يرقع اطوف وهذي غالبا تستخدم للطيور الصغيره

رد: الغش في بيع الطيور

:(
الله المستعان!

رد: الغش في بيع الطيور

حسبي الله ونعم الوكيل

رد: الغش في بيع الطيور

حبيبي الغش في كل مكان
وكل شي حسبي الله

رد: الغش في بيع الطيور

اي والله الغش ذابحنا ذي اليومين في السوق تجي عند بعض الناس تساله عن الطير يتكلم يقولك ايه كلمتين او ثلاث
توديه البيت حتى ولا يصفر وانا صارت معاي لاكن الحمدلله الله عوضني بخير والله يكفينا شر الغشاشين
شاكرلك طرحك للموضوع يالمري