|
شي غرررريـــب عجــــيـــــــــــــب
السلام عليكم ورحمة الله وبركاته اليوم سيكو ومن شوي استغربت من الي سواه .. طلعته وحطيته على الستاند رحت ايب له فول سوداني قلت بجرب اعلمه يكرر الكلام وراي ... المهم يوم يت له قعد يطلع صوت ماادري شلون جنه مخنوق واهو مافيه شي يعني عشان اقول يمكن من مرض لو سمح الله وانا كنت صاكه يدي يعني مايبين الفول السوداني كلش حطيت يدي عند منقاره قعد يطلع هالصوت الغريب وكأنه يبي يبطل يدي .. وقعد يدور ويرفع ريله يسلم انا كنت من قبل معلمته على هالحركتين ومن يجوف الفول السوداني يدور ويسلم بدون مااسوي له حركه جنه يقولي ابي اكل فول اهني لانه جافه فقام يسوي هالحركه لكن اليوم انا كنت صاكه يدي وكلش مايبين فشلون عرف :eek:؟؟؟؟ وشي ثاني اغرب منه بعد انا قلت اني ابي اعلمه يكرر وراي قلت له سيكو قول سيكو وكررت عليه اسمه واهو مب راضي يتحجه بس ينزل جناحه ويطلع الصوت الغريب ماادري شيقصد من هالحركه ... واول مره طول هالسنه الي كان معاي يسوي هالحركه فأكيد يقصد شي المهم بعدين قلت له دور دار وقلت له قول سيكو رجع سوه الحركه ... انا اهني اندهشت من هالحركه :eek:بس مافهمت شيقصد؟؟ فياريت تساعدوني وتقولون لي ليش يسوي جذي؟؟؟؟ وهذي فيديو له واهو يسوي الحركه http://www.alhnuf.com/up/pics-gif/up...ension/mp4.gif |
رد: شي غرررريـــب عجــــيـــــــــــــب
اممم.. احتمال والله اعلم.. انه هوه تعود يوم تبيه يقول سيكو يكون معاج فول سوداني.. عشان جيه عرف انه عندج فول سوداني اول ماقلتي له يكرر :)
والله اعلم شو يالس يقول!! بس احتمال يردد شي من اللي انتي علمتيه ^_^ اوصوت يتكرر في الغرفه دايمن^^ ليش منزل يناحه! الله أعلم الله يخليه لج امين ^_^ |
رد: شي غرررريـــب عجــــيـــــــــــــب
لاوالله توني اليوم فكرت اكرر عليه اسمه وحتى قبل لين احد من بيتنه يكررون عليه اسمه مايسوي جذي ولا ساعات يقول اسمه .. لو بيقلد بيسوي جذي! هههههه انا خفت عبالي بيموت بس ماادري ليش كان يسوي جذي .. تدرين بعد مادخلت اختي سوه هالحركه لكن مب لهدرجه مشكوره على المساعده ويخلي لج شامبيه يااارب |
رد: شي غرررريـــب عجــــيـــــــــــــب
سبحان الله، من ربع ساعة بس ريكو مسوي نفس الحركة بالضبط من غير ما اسوي له شي، لحاله يعني منه ومن نفسه :D
|
رد: شي غرررريـــب عجــــيـــــــــــــب
مسكين يمكن هاي البدايه عشان ينطق اسمه و مستانس >_< احسه مثل البيبي فديته
|
رد: شي غرررريـــب عجــــيـــــــــــــب
الله يعلم شقصدهم من ورى هالحركه :rolleyes: وشكرا اخوي |
رد: شي غرررريـــب عجــــيـــــــــــــب
اقتباس:
ههههههه .. سيكو يتحجى الحين ويعرف يقول اسمه .. اي والله من ناحية بيبي بيبي:p |
رد: شي غرررريـــب عجــــيـــــــــــــب
زين الحمد لله تطمنتي عليه
|
رد: شي غرررريـــب عجــــيـــــــــــــب
أخي العزيز لا تخاف من هذه الحركة إنها حركة احدى ثلاث : 1ـ بردان . 2ـ حران . 3ـ متحمس ويبغى يلعب . درست هذي الحركة مع ببغائي الرمادي سعد وطلعت إحدى هذولي الثلاثة واغلب الأحيان متحمس ويبغى يلعب فكذا تلاقيه يتحرك ويلعب بس ما يتكلم هذي عادة بس المهم لا تخاف تراها عادية أبو الببغاوات |
رد: شي غرررريـــب عجــــيـــــــــــــب
إمكن نفسيته تعبانه ولا في جني يدغدغه
|
| جميع الأوقات بتوقيت GMT +3. الساعة الآن 04:10 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو