منتديات تو زوو - الطيور هتجننى بليييييييز مساااعده

منتديات تو زوو (http://www.2zoo.com/vb/index.php)

- سؤال وجواب لقسم هواة الطيور المغردة (http://www.2zoo.com/vb/forumdisplay.php?f=88)

- - الطيور هتجننى بليييييييز مساااعده (http://www.2zoo.com/vb/showthread.php?t=81490)

الطيور هتجننى بليييييييز مساااعده

سلام عليكم
اولا احب اشكركم على المنتدى الرائع
على التجمع الجميل لكل الهوايااات

ثاااااااانيا اسمحولى انى اكون عضوه معاكم
ومعلش بقا داخله وطالبه المساعده على طوول
اعزرونى بس بجد هتجنن
انا طبعا ليه فتره وانا متبعاكم من وراء الكواليس
وبجد منتدى شيق
وحببتونى فى الطيور اكتر واكتر

عايزاكم تساااعدونى
اولا انا ليه شهر وانا عايزه اشترى عصافير استرالى
وكل ماروح اشترى القا اللى عنده صغير وشكله مش حلو
ودى اول مره هجيب فيها عصاافير
لانى فى البيت مكنوش موفقين
الاول كنت عايزه كراوان الكوكتيل
ومش لاقياااه خالص فى المنطقه عندى
واتنازلت وقلت عايزه استرالى واللى لقياااااه استرالى صغير
يعنى 3 شهور
ومأخدتهمش علشان طمعانه فااكبر
ودلوقتى لسه راجعه من عند الراجل
وكل قهر كل مره يدينى معاد وملقاش المطلوب
المرادى عنده استرالى عادى وده مش عرفااااااااه ايه
لانى انا اعرف الاسترالى البدجى
وعنده كناريا وبرده معرفش افرق مابينهم
وعنده عصفور الحب وواحد بس
كنت هرتكب فى الراجل جريمه انهارده علشان بجد نرفزنى

المهم عايزاكم
تقلولى ايه نظام العصفور الاسترالى العادى ده وذى البدجى ولا انهو احسن
ويفضل اجيب العصفور صغير ويتعود عليا ولا اجيبهم مولفين وكبااار
وسن 3 شهور فى الاسترالى والكناريا مناسب ولا صغير انا شيفاه صغير اوى
وكمااااااان عصفور الحب ينفع يعيش واحد بمفرده ولالا

بليييييييييز ساعدونى
دمتو بخير

رد: الطيور هتجننى بليييييييز مساااعده

بسم الله الرحمن الرحيم

اقتباس:

تقلولى ايه نظام العصفور الاسترالى العادى ده وذى البدجى ولا انهو احسن

لو انتي مصريه وده الواضح من كلامك فالبادجي في الاسواق هو نفسه الاسترالي ولا يوجد اي فرق
الا لو كانتي تقصدي البادجي الانجليزي فده موضوع تاني خالص وبما انك مبتداه زي ما فهمت فهاتي استرالي (بادجي عادي) لانه اسهل بكتير في التغذيه والرعايه من الانجليزي

اقتباس:

ويفضل اجيب العصفور صغير ويتعود عليا ولا اجيبهم مولفين وكبااار

والله هو لو كان جوز مولف على بعضه وانتي عاوزه تنتجي منه فهاتيه بدون تردد
اما لو هتجيبي عصافير وتولفيهم على بعض فهاتيهم اقل من سن التزاوج حبتين يعني 5 شهور كده
اما لو كنتي عاوزه تدريب ويبقو بيطلعو من القفص وبيلعبو معاكي ومبيخافوش منك فهاتيهم 3 شهور حلو قوي ولو فيه اصغر يبقلى احسن
شهرين يعني

اقتباس:

وسن 3 شهور فى الاسترالى والكناريا مناسب ولا صغير انا شيفاه صغير اوى

زي ما ذكرت فوق على حسب هما للتدري ولا للانتاج

اقتباس:

وكمااااااان عصفور الحب ينفع يعيش واحد بمفرده ولالا

هو غالبا ممكن ولكن طبعا يفضل في التربيه يكونو اتنين مع بعض علشان مايحس بالوحده

رد: الطيور هتجننى بليييييييز مساااعده

شكرا كتير ياميدو
على ردك الجميل
بس انا عايزاهم ونس واهو اجر شكلهم من وقت لتااااااانى
بس مش لدرجة التدريب لانى معرفش ادرب اساسا
وانا فعلا مصريه صعيديه
وده اللى مخلينى مش لاقيه الكوكتيل غير بالطلب
يامسهل ان شاء الله
وان شاء الله اجيبهم عن قررررررررريب
شكر ا على التوضيح
ومنك نستفيد
دمت بخييييييييير