|
شي غريب
سلام
كيفكم ابي اعرف شلون اعرف انه قطوتي حامل لان اليوم الخدامه شافت قطعه دم مثل اللحمه الصغيره طايحه تقدرون تقولون لي شنو هذا هل هو جنين او دوره مع العلم اني صار لي شهر شاريتها يعني امداها تحمل ؟؟ واذا كانت حامل وهذا جنين اللي طاح شلون احافظ على الاجنه الباقي اذا فيه بليزز طمنوني |
رد: شي غريب
ههل هي ملقحة ..و إذا هي مب ملقحة كيف بتحمل؟؟
بس إذا هي حامل..بتشوفي الحلمات عند البطن بارزة و محمرة ..هذا بعد ثلاث اسابيع من الحمل..و مع مرور أسبوع او اسبوعين بيبدا بطنها ينتفخ ... و ما اعتقد هذا الي طاح جنين .. طمنبنا..بأسرع وقت .. |
رد: شي غريب
آممم .. كم عمرها؟؟
ودام شريتها من شهر يمكن حامل من صاحبها الأولي تلقحت عنده أنا آتوقع لو حامل تكون بالشهر الأول لأنك تقولين قطعة صغيره يمكن واحد الأجنه ولا أكتمل أو شي ميت من بداية حملها وماتخلق وطيحته عـ عالعموم الشهر الأول من الحمل بتكون حلامتها واضحين لونهم وردي وبارزين وبطنها يكون كبير وتاكل بكثره وثقيله بالحركه تشوفينها كل منسدحه وراكده أو تنام شيكي على بطنها وخبرينا |
رد: شي غريب
مابعرف
انا قططي دايم يحملو عندي ولا مرة شفت كدة يمكن الشغالة تخوفك الله اعلم |
رد: شي غريب
اذا الشغاله صادقه
فـ بتشوفين شوي قطوتك متوسخه من ورا بشوي دم .. وتعبانه شووي بسبب التسقيط .. بس اذا القطوه نظييفه حيل .. ومو ملاحظه عليها شي .. فـ يمكن الشغاله مو متأكده او يمكن اثناء ماهي تطبخ او الوالده او اي احد .. طاحت قطعه من الدجاااج او اللحم .. والشغاله فكرتها من القطوه .. هيك شي .. ؟؟ المهم .. اذا طلعت الشغاله صادقه فـ اكيد ان الجنين ماكتمل نموه وسقطته وزي ماقالت لج آنو اذا ماحملت عندج فـ اكيد حامل من قبل لاتشتريها |
رد: شي غريب
مرحبا
مشكورين على الرد بالنسبه للحلمات ماشفتها بارزه ومن ورا كانت نظيفه تماما طيب يمكن تكون دوره؟؟ ولا الخدامه ملخبطه طيب ابي اسئل انا شاريه هالقطوه وعندي ذكر ابي اعرف اذا صار بينهم تزاوج مع العلم اني مو حابستهم في قفص او حجره مخليتهم بالبيت وكل ماقرب منه هاوشته ومشكورين |
رد: شي غريب
اجل دام من ورا نظيفه حييل .. يعني مو مسقطه ..
ومو دوره .. الدوره تكون عباره عن نقطه دم او شي بسيييييييط حيل .. وخلص تلحسه القطوه وماله أثرر .. واذا تبين تعرفين تزاوجوا او لا .. تابعينهم .. وشوفيهم لو يتزاوجون او لا وطبيعي في البدايه هي تهاوشه بس بعدين لا خلص اوكي ترضى .. بس اذا برضو مصره ماتبيه فيه احتمالين .. اما انها ماتبيه هو بذاته .. يعني لما تجيبين لها ذكر ثاني اوكي تتزاوج ... او ان القطوه اساسا مو طالبه تزاوج |
رد: شي غريب
مشكووره
|
| جميع الأوقات بتوقيت GMT +3. الساعة الآن 01:23 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو