تفقيس البيض
 

هذة اول مشاركة لي واليوم سجلت في هذا المنتدى بالصدفة وانا ابحث عن موضوع تفقيس البيض حصلت هذا الموقع الرائع

عندي سؤاااااااااااااال؟؟؟
مدة تفقيس بيض الدجاجة 21 يوم
هل شرط انه البيض يفقس في اليوم الــ 21
لاني استغليت ثلاجة الرحلات وسويتها فقاسة بدل الثلج حطيت البيض وغطيته وكل يوم احط في الثلاجة زجاجة ماء مغلي عشان الحرارة واقلب البيض مره يوميا
واليوم اللي هو الصبح الاثنين بيكمل بعض البيض 21 يوم وبعد غد البيض الباقي
وانا مو جايني نوم افكر فيهم (تقول جاي لنا مولود)
ــــــــــــــــــــــــــــــــــــــــــــــــــــــــــــــــــــــــــــــــ
قبل 10 سنوات على ما اذكر جربت وضع البيض فوق الثلاجة اللي في المطبخ وكل يوم اقلب البيض والحمدللة نجحت الطريقة وكل البيض فقس بس الثلاجة تكنسلت
وطبعا هذة الثلاجة الوحيدة في البيت اللي كان سقفها من الاعلى دايم حار
اما الثلاجات الباقية من الاعلى باردة
ـــــــــــــــــــــــــــــــــــــــــــــــــــــــــــــــــــــــــــــــــ
ادعولي اقوم من النوم واحصل عيال طلعو من البيض

رد: تفقيس البيض
 

خسارة ولابيضة فقست..شكلة المشروع فاشل ..
كان خاطري افرح عيال اخوي الصغار لانهم مشتركين ويايي

رد: تفقيس البيض
 

افااااااااااااااااااااااااااااااااااااااااا 18 مشاهدة ولا رد
شكلي بشيل قشي وبطلع من المنتدى

رد: تفقيس البيض
 

مرحبا فيك اخوي صبح وليل

مكينه التفقيس حساسه جداً ومستحيل البيض يفقس بالطريقه هذي!!

لان الحرارة لابد ان تكون 37 الى 38 درجه !!

فالماء الحار لاينشر حرارته داخل الفقاسه بل يتبخر بسبب الهيتر الموجود داخل الفقاسه!!

اما البيض فمدته الاصليه 21 يوما وقد يتقدم يوم ويتأخر يوم وهذا شيء طبيعي!!

رد: تفقيس البيض
 

جزاك الله كل خير اخوي ابو ريان
اليوم كسرت البيض وكله فااااااااااااااااااااااااااااااااااااااااااااااااااااااااااااااااااااااااسد
بما اني احب الصيصان بجرب طريقة ثانية وثالثة
مره عمتى كانت ناسية بيضة على الشباك من برع في كوب وبعد فترة سمعت صوت صوص فتحت الشباك وانصدمت انه البيضة اللي في الكوب فقست .. بس غريبة فقست بدون تقليب وبدون تدفئة
وطريقتي اللي كنت احط البيض فوق الثلاجة هذة كانت اوكيه لانه فوق الثلاجة سطحها كان نازل وايما دافي وكل البيض يفقس ومرتين جربت بس الثلاجة خلاص تكنسلت.
بجرب طريقة احد الاخوان اللي يحط في كرتون قطن وبشوف
وعن جد شكرا على الرد
اختك ..صبح وليل

رد: تفقيس البيض
 

مكينه التفقيس حساسه جداً ومستحيل البيض يفقس بالطريقه هذي!!

رد: تفقيس البيض
 

رد: تفقيس البيض
 

السلام عليكم ورحمة الله


افضل شيء في الفقاسة ان تكون وفقا للقياسات مثلا درجة الحرارة والرطوبة والتقليب، .. حتى لو طلع الكتكوت بالطرق الثانية احتمال ان يكون معاق او فيه امراض تؤدي الى موته خلال فترة قصيرة . _ عن تجربة .