|
نقلت القفص للكروان وابتلشت
السلام عليكم
تروني ابتلشت اليوم الكروان حط بيض بس المشكلة اني كنت حاط قفصة في الصالة عند التلفزيون واللي رايح واللى جاي من عندها وتعرفون بداية الصيفية وبيجيك الضيوف والعزايم وبنقلبها ملاهي بالبيت ومن كثر ما سمعت من توفير جو هادي لها نقلتها لغرفة هادئة جدا بس حاس انها مو مرتاحة ارجعها والا اخليها تتعود خايف تهجر البيض ونرجع لنقطة الصفر |
رد: نقلت القفص للكروان وابتلشت
كم بيضة باض الكروان ؟ إذا كان لسة في بداية وضع البيض انقلهم وراقبهم من بعيد لبعيد اذا شفت الذكر أو الأنثى حاضنين البيض فهذه علامة جيدة فاتركهم في مكانهم .واذا أعطوا البيض إكس الله يعينك ترجعهم لمكانهم الأولي هذا رأيي وإن شاء الله الأخوان بيفيدوك |
رد: نقلت القفص للكروان وابتلشت
اخوي الرحال احنا ما صدقنا انهم باضو اللحين ايش اسوي فيك ااااه منك بس. والله انك حريت قلبي شوف انا راي انك ما ترجعهم لانك اذا رجعتهم بتزيد الطين بله خلهم وشوف النتائج و طمنا عليهم |
رد: نقلت القفص للكروان وابتلشت
واللة يا اخوان اني ما عاد ادرري ويش اسوي فيهم
بالاول كانت الانثى ما تدخل العش والذكر على طول محظن على البيض والحين العكس الذكر على طول واقف براء القفص يراقب والانثى صارت هي اللي ما تخرج من العش ولازالت المراقبة مستمرة |
رد: نقلت القفص للكروان وابتلشت
يجب ان يكون في مكان هادئ سوف يتعودون على المكان الجديد لاتحاول مراقبتهم دائماً يمكن اضاءه المكان في الليل بنور هادى لتتمكن الأنثى من شرب الماء اثناء الرقود على البيض وحتى لايخافو عند دخول اي احد لأن الكروان يخاف ويتخبط في القفص عند دخول اي احد |
رد: نقلت القفص للكروان وابتلشت
اليوم ابشركم الاثنين بالعش بس لما حس الذكر ان فية واحد براء خرج للمراقبة
اخ ميمو انت ما شفت الحفلة اللي صارت اول امس الصيفية لسة ما بدت والزوار بدو يهلون وتعرف عيالهم الصغار فية واحد ملزم انهم ينزلون القفص تحت لة علشان يلعب فية وابوة يقلة فدا راسك الحين عمك يجيبها لك علشان تلعب فيها لا والانطل لو ما وقفوة كان رايح ياخذها حذف بالشبشب قلت لية اتعب راسي ما احطها بمكان واقفل عليها ولا ابن امة يزعجها غيري عندي سطح كبير وفكرت اسوي لها قفص كبير لاكن من حبي فيها ما ابغاها تروح عن عيني علشان اهتم فيها جتني من شخص عزيز هدية وخايف عليها من الشمس والبرد بالذات البرد عندنا بالطايف يجمد اللي ما يتجمد بس الحمد للة شكلها تعودت واللي مريحني الانثئ من امس ماعاد تخرج من العش شكلها خايفة على البيض واللة اعلم |
رد: نقلت القفص للكروان وابتلشت
اخي الرحال زين بشرك الله بالخير و الله من جد كانت حاس انهم طيوري و كنا مع بعض خطوه بخطوه عشان كيذه انقهرت بس الحمد لله مرت علي خير. اللحين ما قلت لنا كم بيضه المجموع النهائي و بعدين تري منتظرين صور الفروخ انشاء الله والله يوفقك |
رد: نقلت القفص للكروان وابتلشت
واللة كم بيضة هذا صعبة لاني ما عاد فتحتة من يوم شفت اول بيضة ما ابغى ازعجهم
بس المظحك هي شالت كل النشارة من ارضية القفص وخلتة على الخشبة بس وممكن ثلاث مرات اللي اسمع صوت كنة شي سقط على الارضية وتكون الانثى بداخل القفص طبعا استنتجت انه صوت البيض اللي تضعة الانثى صار اغلب وقتها بالقفص ما تخرج كثير الا للاكل وما ابغى اتلقف وافتحة واظايقها بغيت اصورهم بس ما جت فرصة بس خير اذا جو الفراخ ابحط صورة العايلة كلها بشر انت ويش سويت مع الحلوين اللي عندك ترا بغيت ابلغ الجوازات فيك واقل انك مهرب متخلفين بدون اقامات ومتستر عليهم بس قلت ما يصير صديقي |
رد: نقلت القفص للكروان وابتلشت
mashkoren 3ala alma3lomat
|
رد: نقلت القفص للكروان وابتلشت
والله اخوي الرحال اول حاجه مبروك على الانتاج ورجوع الطيور للجلوس على البيض واعتقد انه الافضل لما يتم نقل القفص يغطى حتى لايلاحظون تغيير المكان أولايتأثرون به كثيرا وبالتوفيق ان شاءالله |
| جميع الأوقات بتوقيت GMT +3. الساعة الآن 04:16 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو