منتديات تو زوو - كم سؤال عن الصن كونيور

مساكم الله بالخير

عندي زوج صن كونيور مايعرف شي غير العض :D .. لكن ان شاءالله مع الوقت يصير مؤدب ..

هو على حسب كلام البايع قالي تقريبا عمره سنه .. بس انا اشوف سواد خفيف حول العين عاد مدري هو نفس الكاسيكو ولا يختلف ؟؟ عموما انا بوريكم صوره اول ما اصوره

المهم متى ابدا ادربه وكيف ؟؟ انا اطلعه كل فتره وفتره واحاول اخليه على يدي بقفاز لكن يقعد يعض كل شوي .. وحتى شوي يهدا ويرجع يعض .. سؤالي طيب هل انا ماشي صح ؟ ولا المفروض اخليه فتره بالبيت يتأقلم مع الوضع ويشوفني اغيرله الاكل كل فتره وفتره عشان يبدا يأمن لي ؟؟

ثاني شي .. بالنسبه للترويش وشلون اروشه ؟؟ انا شفت مقطع باليوتيوب واحد حاطه داخل صحن داخله مويه وهو يتحرك فيه وينظف نفسه .. طيب ينفع لو بخيته مويه بذيك حقت الرش ؟ وكم مره يكفي اغسله بالأسبوع ؟؟

وياليت لو فيه طرق للتدريب سبق واستخدمتوها او مواضيع اتمنى ماتبخلون علينا ..