منتديات تو زوو - ارجو المساعدة .............ماتت

السلام عليكم ورحمة الله وبركاته

لقد وضعت موضوع سابق اسمه ( محتاج مشورتكم ) لاني كنت محتار والحمد لله على كل حال اشتريت احدى الازواج وقعد معاي حوالي اسبوع ونص ويوم الاربعاء الي هو قبل امس صليت الفجر ورجعت انام وانا نايم صحيت فجأة وجا في بالي اطلع اشوف الطيور فطلعت واذا بالانثى ميته ولم يكن عليها اثار مرض ( لقد كان انفها ناشف ومكان خروج البراز ( الله يكرمكم ) ناشف ) وبعدين اخذت الانثى الميته ورحت ودفنتها وحطيت الذكر في قفص ثاني عشان اعقم القفص الاول ويا شباب لو تشوفوا شكل الذكر وهو حزين راح ينفطر قلبك كان قبل ما اشيل الانثى من عنده من القفص الاول كان قاعد جنبها ويغرد والله شكله يحزن
المهم الان رحت الى الدكاتره البيطريين عشان يكشفوا على الذكر لا يكون مريض والمشكله ان كلهم قالوا احنا دكاتره حق طيور مزارع وطيور داجنة اما طيور الزينة فلا نعلم فيها
فما ادري ايش اسوي . وهل يمكنني ان اروض الذكر عشان اعوضه عن الانثى الي ماتت عليه ؟
وايش اسوي عشان اعرف ان الذكر مريض ولا لا ؟
وسامحوني على الازعاج