الهامستر اكلت اولادها
 

كنت مرة فرحانة لما الهمستر حقتي ولدت 4 همسترات صغار وقلت لازم اعتني فيهم وغطيت القفص حقهم وفصلت عنها الذكر ورغم هادا صحيت تاني يوم لاقيت مافي احد غيرها في القفص وشكلها اكلتهم مرة احترت ليش اكلتهم وهادي اول ولادة ليها قلت يمكن عشان كل شوية اشيلها في غرفة واحطها في غرفة تانية رغم انها مغطاية وكذا مرة بشويش طالعتلها من تحت الغطا عشان اتطمن عليها قامت اكلتهم ولايمكن جاعت واكلتهم موعارفة ايش صار فممكن تفيدوني ليش اكلتهم وقد ايش يبغالها عشان تحمل تاني؟وانا دحين فاصلة عنها الذكر فهل ارجعو معاها ؟ ولا اخليه لوحدو؟ ولمتى؟ وشكرا

رد: الهامستر اكلت اولادها
 

هذي دائما تحصل في القوارض (الهامستر , الفأران ,القنافذ,الارانب) لانك اذا قمت تشيلهم وتزعجهم كل شوي تتطلعهم فان الام تصيبها حالة نفسية وتقوم باكل اولادها اذا احست انها ممكن تتعرض للخطر وانا سبق ومريت بهذي التجاربمع الفأران والقوارض.
والشي الثاني يا اخي العزيز لازم انك توفر الطعام والماء 24 ساعة وماتخليها تفضى.
والله يكون في عونك

رد: الهامستر اكلت اولادها
 

نفس حجي كوبرا بس عندي اضافه

يمكن اهيا بعدها صغيرة .. يعني ما تكون عارفه للصغار عدل .
الانتقال من مكان لاخر يسوي ضغط عصبي قوي لان بالطبيعه الهامستر يعيش في بيته او نفقه الى ان يموت (باستثناء انه يطلع للبحث عمن الطعام)
مادام اهيا بالقفص (بالاسر) لازم توفرين لها الطعام و الماء على طوووول
ممكن الهامستر تاكل عيالها اذا كانت مو مروضة عدل و مو اليفه (ما تنمسك باليد)
او انها تاكل عيالها بعد اذا احد راقبها وايد و اهيا تولد او تعتني بالصغار اول الايام
الجو لازم يكون معتدل و مو بارد ولا حار عليهم .

رجعي الذكر معاها بعد 5 ايام افضل

:) :) :)

رد: الهامستر اكلت اولادها
 

ما قصرتو ومشكورين وانشالله اذا حملت تاني حانتبه لها اكتر وشكرا

رد: الهامستر اكلت اولادها
 

كوبرا انا اقوةلك ليش انت مريت بهالتجربه بختصار لانه فئرانك يدرون انهم موجودين ويتاكثرون لمجرد انهم يشكلون طعام مفيد لثعابينك فقالو ننتحر ونقتل عيالنا احسنلنا:p

واختي صح الكلام الي قالوه كوبرا وذرد روز الهامستر اذا تعرضت لضغط نفسي مثل الازعاج والمراقبه المستمره والخوف وتغير المكان( تتغير عليها الرائحه) تخاف وتاكل صغارها واذا كانت عديمه الخبره يعني اول مره تولد هم بتعاني من نفس المشكله وانا انصحج تردين معاها الذكر عشان ماينسون بعض لانه انا لمه فصلت الذكر الي عندي عن النثيه لمه ولدت ورديتهم بعدين قامت تطقه وذبحته مع العلم انهم هامستر من النوع القزم وهو مسالم:| وانا افضل انها ماتحمل لازم تعطينها وقت زياده يعني لوتحطينها مع الذكر ويكون جدام عينج وبعدين اذا بتروحين تفصلينهم مجرد انج تحطينهم مع بعض بين فتره والثانيه عشان ماينسون ريحت بعض بس لايغيبون عن عينج عشان مايحصل تزاوج واذا هامسترتج مومتعوده عليج وجذي يفضل انج تحاولين تطلعينها وتلعبين معاها اكثر وشكرا