|
عيادة جون بمدينة الرياض ؟
السلام عليكم
اخواني بارك الله فيكم فيه احد مجرب بيطرية جون لبيع الحيوانات اللي بمدينة الرياض بعد بندة التخصصي ؟ ارجو الافادة وشكرا |
رد: عيادة جون بمدينة الرياض ؟
ايه انا مجربها
|
رد: عيادة جون بمدينة الرياض ؟
طيب البيطري عندهم ممتاز ؟
|
رد: عيادة جون بمدينة الرياض ؟
ايه فيه سوداني ممتاز
انتي وش تبين وانا اقولك ؟؟؟؟؟؟؟؟؟؟؟؟؟ |
رد: عيادة جون بمدينة الرياض ؟
اختي فتفوته مانصحك ابدا تروحين لها بيطري اصله ميكانيكي وطلع يعرفه سايق من تبع اصحابي ولما سألناه عنه [ السايق سوداني ] قالنا كنا نشتغل مع بعض بالصناعية وفوق كذا اسعارهم نار افضل بياطره بالرياض [ الحياة والطبيعه \ واحة الحيوان ] هذولي الي جربتهم وفيه عيادة الرياض البيطرية مره يمدحونها الدكتور بريطاني لكن مادري عن اوقات الي تفتح العياده فيها وكمان اسعارهم مثل خون او اغلى وفيه وحده لكن ما جربتها شخصيا تبع [ قرية الحيوان ] في واحد مدحها لي ويقول اسعارهم مناسبه وبالتوفيق |
رد: عيادة جون بمدينة الرياض ؟
لللللا لا ... الا واحة الحيوان تكفون متعقدة من طبيبهم السوداني ذابح ببغائي اللي قبل ماعنده سالفة بالتشخيص
ولما سألته بالتلفون عن وجود قشرة بريش الطير ويجلس ينتف وكذا قالي حطيله ديتول مع موية وروشيه :( وانا دلاختي سمعت كلامه الحين صار يحك جسمه قوة وينتف اكثر والقشر طالع على جناحه ويوميا اروشه وموقفه الفول السوداني ولا فيه اي تطور بالعكس يوم ورا يوم والطير حالته تتزفت :( وبيطرية جون انا سامعة انه طبيبهم ممتاز ,, اجل بالاخير يطلع ميكانيكي حيوانات ! :( مالي الا اروح عند البريطاني الظاهر انه افقه من بياطرة العرب ! ياليت توصف لي وين مكانه بالضبط او حتى رقم تلفونهم ادق عليه واشرح له حالة الطير ,, وبالنسبة لأسعار الفحص يوصل فوق الخمسين يعني ؟ او مثل واحة الحيوان بـ 25 ريال والله يجزاكم خير ما قصرتوا كلكم ,,, |
رد: عيادة جون بمدينة الرياض ؟
الي في جون مرة كويس
|
رد: عيادة جون بمدينة الرياض ؟
اختي فتفوته واحة الحيوان السوداني مادري عنه احنا نتعامل مع الشامي هذا مره كويس بالنسبة لعيادة الرياض والله تلفونهم وموبايل الدكتور مضيعه لكن اهم عند مخرج 9 على الدائري تخلي ماكدونالدز على ايدك اليمين وتمشي سيدا بتجيك عاليمين لكن في الغالب بتحصليها مسكره الافضل تاخذين التلفون من اللوحة وتتصلي اما الاسعار فمن زمان سائل عنها الفندق تبع القطط اليوم ب 110 او شي زي كذا مره غالي بالمحلات العاديه الفندقه 20 ريال وبالتوفيق |
رد: عيادة جون بمدينة الرياض ؟
شكرا اخواني على المساعدة
اخوي ما رضي يوديني عيادة البريطاني وقالي بوديك لفيفا اقرب المهم رحت لمحل فيفا وطلع لي بيطري سوداني كشف على الببغاء يقولي ما فيه ولا شي ! لا حساسية ولا قشور وريشه نظيف وسألته اذا كان الطير فيه تسيف او لا قالي لا صحته ممتازه وسألني من متى شريته قلت له قبل شهرين ونص تقريبا قال ايه هنا المشكلة ,,قلت وشو مشكلته ؟ قال لأنه الطير جديد مع تغيير المكان بدا ينتف ريشه ! يعني الدعوة نفسيته موش كويسة ! قلت له موفرة له كل شي ما قصرت معه قام يضحك وقال عادي تحصل في كثير من الببغاوات الافريقية وموب شريكون التقصير من راعيه الجديد ,, قال فترة وان شاءالله يتعود ويطلع ريش جديد وروشيه كل ثلاثة ايام بالبخاخ على اساس يدخل الماء داخل جسمه كويس ,,وتكلمي معه ولا عبيه الين ياخذ عليك ويصير ما يخاف ,,, وعطاني فيتامين يقول ممتاز اسمه Ornivita يوميا لمدة اسبوع بعدين وقفيه لمدة اسبوعين وكرريه لمدة اسبوع ,, وذكرت له بأني ححمته بالديتول مع الماء ,, بعدين نشفته وحطيت له زيت زيتون قالي الديتول غلط تحطين له ! والزيت الزيتون ما يجيب نتيجة في هالحالة ! |
رد: عيادة جون بمدينة الرياض ؟
نسيت اذكر سعر الفيتامين للفائدة بــ 45 ريال
والكشف على الطير بـ 35 ريال |
| جميع الأوقات بتوقيت GMT +3. الساعة الآن 07:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو