منتديات تو زوو - عصفورى مات وعصفورتى هى اللى موتته

انا لله وانا اليه راجعون
انا لما جبت العصفور والعصفوره كان اول مره فى حياتى اربى عصافير
ولحظت عليهم ان كل شويه العصفوره المفتريه تنقر العصفور قلت لسه بيتعودو على بعض
وكل ما العصفور يروح يشرب توقعو فى ارضيه القفص
لحد ما فى يوم جيت من برا لقيت العصفور بيعرج فى القفص وتعبان خالص وهيا كانت واقفه على الغصن ولاهمها حاجه وكانت بتغنى كمان وكانت كل ماكنت ادخل ايدى عشان اغير لهم الاكل كانت تخاف فى الاول لكن يوميها كانت واقفه زى الاسد
وفصلت العصفور الغلبان مكسور الجناح عن المفتريه القرده
كنت فاكره ان عنده برد لكن االاخ رعود قال البرد مبيخليش العصفور يعرحج ومكنتش عارفه اعمل له ايه
اديته ليمون بماء وماء بسكر لكن للاسف تانى يوم استشهد على يد العصفوره المفتريه
انا مكنتش طايقه احطلها اكل ولا ماء وكان نفسي اموتها من الضرب
فرحت ارجعها عند الراجل وطول منا ماشيه فى الطريق لقيتها قاعده غلبانه فى القفص
الصراحه صعبت عليا وبحسبها مظلومه وان هى كمان تعبت وكان الموضوع كله برد
واول مدخلت المحل كان نيتى اروح للراجل واقول له اعالجها ازاى
وقبل ما اتكلم العصفوره اتحولت لقرد وقعدت تطير فى القفص وتصوصو والعصافير يردو عليها الصوصوه
وكلت وشربت
قلت ( ان كيدهم عظيم )
والراجل اكد لى ظنى وقال لى ان هيا السبب وتلاقيها هيا اللى نقرته جامد فتكسح ومات
وقالى انتى غلطانه لان المفروض من تانى يوم كنتى رجعتيها واختارتى لها عصفور تانى
وقبل ما امشى نصحت الراجل وقلت له بلاش تحط لها عصفور تانى وسيبها كده لانها هتموت اللى هيدخلها
يلا اهو الواحد بيتعلم
وانا اتعلمت من الموضوع ده انى مربيش عصافير ابدا ابدا كفايه اللى حصل لى من وراهم

وجزاك الله كل خير لكل من لم يبخل لى بنصيحه ويارب يكون الوقت والجهد ده فى ميزان حسناتكم

واوصيكم برحمه طيورنا كما وصانا حبيبنا
وفى موقف للرسول صلى الله عليه وسلم مع الطيور
اتفضلو اقراوه

فقد روى أنه ذات مرة كان صلى الله عليه وسلم يمشي في السوق فرأى أبا عمير يبكي، فسأله عن السبب فقال له " مات النغير يا رسول الله " فظل صلى الله عليه وسلم يداعبه ويحادثه ويلاعبه حتى ضحك، فمر الصحابة بهما فسألوا الرسول صلى الله عليه وسلم عما أجلسه معه، فقال لهم " مات النغير، فجلست أواسي أبا عمير